Charter Document - 02184015
| Charter Number: | 02184015 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1131 |
| Date type: | Assigned |
| Resource Link(s): |
TELMA - Chartae galliae CCE: cartae cluniacenses electronicae |
Charter:
H[enricus] rex Anglorum archiepiscopis episcopis abbatibus comitibus baronibus Anglie et filiis sancte ecclesie salutem Sciatis quoniam [de]di et concessi Deo et ecclesie Beati Petri de Cluniaco pro Dei amore et salute animarum parentum meorum et prolis [mee] et pro statu et incolumitate regni mei c marcatas redditus singulis annis scilicet lx marcatas in firma et red[ditibus] civitatis mee Lundonie et xl marcatas in reditibus civitatis mee Lincolie ita tamen quod has c marcatas [quoquo anno] reddi faciam ecclesie Cluniacensi de meo proprio thesauro in omnibus diebus meis post discessum autem meum [statuo ut] has c marcas quoquo anno deferant ministri mei de prenominatis civitatibus cum aliis reditibus meis [ad scacarium m]eum ibique reddantur nuncio Beati Petri Si vero hec non fecerint ministri eadem fiat Sancto Petro [de pecunia predicta] justicia que fiet de mea firma propria Hanc itaque donationem meam concedo et regia [auctoritate ecclesie Beati] Petri Cluniacensis in perpetuum obtinendam corroboro Confirmavit quoque eam precibus meis [dominus Innocentius papa majestate] litterarum et sigilli sui et ne quis temere hoc imminuere vel infringere presumat [sub anathemate prohibuit Testibus Willelmo archiepiscopo] Cantuariensi et Turstano archiepiscopo Eboracensi et Rogero episcopo Sar[isburiensi] et Henrico episcopo Wint[oniensi] et Alexandro episcopo [Lincolniensi et Gilberto episcopo Londiniensi et Gaufrido cancellario et Roberto de Sigillo] et Roberto comite Gloecestrie et Briennio similiter comite et Hugone Bigot dapifero et [Milone Gloecestrie et Pagano filio Johannis Apud Norhantonam]