Charter Document - 02184007
| Charter Number: | 02184007 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1130 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Hu[go] sancte Romane ecclesie presbyter cardinalis apostolice sedis legatus venerabili fratri P Cluniacensis monasterii abbati et totius ejusdem monasterii venerabili conventui salutem in Domino In concilio apud Carrionem celebrato conquesti sunt nobis U[go] camerarius et alii fratres vestri se a Suerio comite monasterio de Corneliana injuste expoliatos esse Cujus rei notitiam veraciter indagantes residentibus nobiscum O Tarraconensi R Toletano D Compostello archiepiscopis ceterisque Hispanie episcopis necnon quam pluribus religiosis viris judicavimus ut reinvestirentur quod rex et Suerius comes hactenus distulerunt Vos autem super hoc litteras domini Pape ad utrosque ut revestiamini acquiratis