Charter Document - 02184004
| Charter Number: | 02184004 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1130 |
| Date type: | Internal, A.D., Calendar, Papal |
| Resource Link(s): |
CCE: cartae cluniacenses electronicae |
Charter:
Innocentius episcopus servus servorum Dei Dilecto filio Guilielmo abbati monasterii sanctorum Gervasii et Protasii quod situm est in Arelatensi provincia secus oppidum Fossas ejusque successoribus substituendis regulariter in perpetuum Desiderium quod ad religionis propositum et animarum salutem pertinere monstratur auctore Deo sine aliqua est dilatione complendum Quam ob rem dilecte in Domino fili Guilielme abbas tuis postulationibus clementer annuimus et sanctorum martyrum Gervasii et Protasii monasterium cui Deo auctore presides juxta exemplar predecessorum nostrorum felicis memorie Sergii et Paschalis Romanorum pontificum apostolice sedis patrocinio communimus Statuentes ut quecunque possessiones ad idem cenobium in presentiarum juste et legitime pertinere noscuntur aut in futurum concessione pontificum largitione principum oblatione fidelium seu aliis justis modis prestante Domino poterit adipisci firma tibi tuisque successoribus et illibata permaneant In quibus hec propriis nominibus duximus annotanda videlicet ecclesias de castello Ereas cum decimis et oblationibus per episcopos concessis cella Sancte Marie de Plano cella Sancti Gervasii Sancte Marie Almianarre Sancte Eulalie Sancti Nykolai Sancti Vincentii Sancti Salvatoris in episcopatu Forojuliensi ecclesia Sancti Stephani de Castro Duplo Sancti Mitrii de Monteferrario Sancti Victoris Sancti Vincentii in castro quod dicitur Trani Sancte Marie de Flaiosco in episcopatu Massiliensi ecclesia Sancte Marie [et] Sancti Vincentii in episcopatu Arelatensi ecclesia Sancti Mitrii Sancti Vincentii Sancti Petri Sancte Trinitatis Sancti Juliani et Sancte Cecilie in episcopatu Cabilonensi ecclesia Sancti Gervasii in episcopatu Atensi ecclesia Sancti Marcellini item in episcopatu Forojuliensi ecclesia Sancti Martini de Blancaforte cum omnibus ad ipsas ecclesias pertinentibus Decernimus ergo ut nulli [] missas sane publicas in eodem monasterio per episcopum fieri vel stationes celebrari preter abbatis ac fratrum voluntatem omnimodo prohibemus ne in servorum Dei recessibus popularibus occasio prebeatur ulla conventibus hoc quoque presenti decreto subjungimus ut ipsum monasterium et ejus monachi ab omni secularis servitii sint infestatione securi omnique gravamine oppressionis mundane remoti quatenus in sancte religionis observatione seduli nulli alii nisi Romane apostolice sedi cujus juris est aliqua teneantur occasione subjecti Ad indicium autem percepte a Romana ecclesia libertatis sex nummos argenteos quotannis Lateranensi palatio persolvetis Si qua igitur in futurum ecclesiastica [] Amen Amen Amen Ego Innocentius catholice ecclesie episcopus subscripsi Ego Guilielmus Prenestinus episcopus subscripsi Ego Johannes tituli Sancti Grisogoni presbiter cardinalis subscripsi Ego Petrus cardinalis presbiter tituli [S] Equitii subscripsi Ego Romanus diaconus cardinalis Sancte Marie in Porticu subscripsi Ego Gregorius diaconus cardinalis sanctorum Sergii et Bachi subscripsi Ego Guido diaconus cardinalis beatissime Marie in Via Lata subscripsi Datum aput Sanctum Egidium per manum Aimerici sancte Romane ecclesie diaconi cardinalis et cancellarii III id septembris indictione VIII incarnationis Dominice anno MCXXX pontificatus vero domni Innocentii secundi pape anno I