Charter Document - 02183978

Honorius episcopus servus servorum Dei dilecto in Christo filio Petro abbati venerabilis monasterii Cluniacensis ejusque successoribus regulariter substituendis in perpetuum Incomprehensibilis et ineffabilis divine miseratio potestatis nos hac providentie ratione in apostolice sedis administratione constituit ut paternam de omnibus Ecclesiis sollicitudinem gerere studeamus Siquidem sancta Romana Ecclesia que a Deo sibi concessum omnium Ecclesiarum retinet principatum tanquam diligens mater singulis debet Ecclesiis instanti vigilantia providere Ad ipsam enim quasi ad caput et matrem ab omnibus est concurrendum ut ejus uberibus nutriantur auctoritate defendantur et a suis oppressionibus releventur Condecet igitur ut ecclesie et venerabilia loca maxime que ad speciale jus et singularem proprietatem sancte Romane cui Deo auctore deservimus spectant Ecclesie specialioris prerogative sortiantur honorem et apostolice auctoritatis munimine roborentur Quamobrem dilecte in Christo fili Petre abbas justis postulationibus tuis clementius inclinati quidquid libertatis quidquid tuitionis quidquid auctoritatis predecessores nostri Ecclesie Romane pontifices presertim apostolice memorie nom Gregorius VII Urbanus et Paschalis II discretionis ratione vestro monasterio et locis ad id pertinentibus contulerunt nos quoque presenti decreto auctore Domino confirmamus In quibus hec propriis sunt visa nominibus annotanda abbatia S Aegidii [] In omnibus autem prioratibus et cellis que nunc sine proprio abbate vestro regimini subjecte sunt nullus futuris unquam temporibus abbatem ordinare presumat Liceat quoque vobis seu fratribus vestris in Ecclesiis presbyteros eligere ita tamen ut ab episcopis vel episcoporum vicariis animarum curam absque venalitate suscipiant Quam si committere illi quod absit ex pravitate noluerint tunc presbyteri ex apostolice sedis benignitate officia celebrandi licentiam consequentur Ecclesiarum vero seu altarium consecrationes ab episcopis in quorum dioecesibus sunt locorum vestrorum fratres accipiant si quidem gratis ac sine pravitate voluerint exhibere Alioquin a catholico quem malueritis episcopo consecrationum ipsarum sacramenta suscipiant Neque cuilibet facultas sit aut claustri vestri aut locorum vestrorum fratres pro vivorum seu defunctorum eleemosynis justis ob salutem datis inquietare sed tam virorum quam mulierum oblationes que ad eos afferuntur in usu servorum Dei pauperumque profecturas recipere liceat Statuimus etiam ne cellarum vestrarum ubi libet positarum fratres pro qualibet interdictione vel excommunicatione divinorum officiorum suspensionem patiantur sed tam monachi ipsi quam et famuli eorum et qui se monastice professioni devoverunt clausis ecclesiarum januis non admissis dioecesanis divine servitutis officia celebrent et sepulture debita peragant Concedimus etiam vobis clericos seculares seu laicos nisi qui pro certis criminibus excommunicati sunt ad conversionem per loca vestra suscipere Sane terminos immunitatis loci vestri qui a prefato antecessore nostro Urbano papa constituti sunt presentis decreti nostri pagina confirmamus Ne videlicet ullus homo cujuscunque conditionis ac potestatis invasionem predam aut rapinam facere sive homicidium perpetrare presumat infra ipsorum limites terminorum Preterea decernimus ut nulli omnino hominum liceat vestrum venerabile monasterium et loca subdita temere perturbare sed eorum possessiones et bona cetera que pro animarum salute jam data sunt vel in futurum Deo miserante dari contigerit firma vobis vestrisque successoribus et illibata permaneant Si qua igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit [] salvo in omnibus Romane Ecclesie jure et sedis apostolice reverentia Amen Ego Honorius catholice Ecclesie episcopus subscripsi Ego Crescentius Sabinensis episcopus subscripsi Ego Petrus Portuensis episcopus subscripsi Ego Unalis Albanus episcopus subscripsi Ego Wilhelmus Prenestinus episcopus subscripsi Ego Aegidius Tusculanus episcopus consensi subscripsi Ego Gregorius presbyt cardin tit Apostol subscripsi Ego Rossemagnus diacon card S Gregorii subscripsi Ego Cosmus sancte Marie in [] subscripsi Ego Gregorius S Angeli diaconus card subscripsi Datum Laterani per manum Aymerici S R E diaconi cardinalis et cancellari IV Non Aprilis indict III incarnat Dominice anno MCXXV pontificatus nostri anno I