Charter Document - 02183967

In nomine sancte et individue trinitatis ego Theobaldus Dei gratia Palatinus comes pro meis negligenter commissis judicem sempiternum in aliquibus placare cupiens ad remedium anime mee et uxoris antecessorum etiam et successorum meorum ecclesie Coinciacensi quam avus meus bone memorie comes Theobaldus a primo lapide pro peccatis suis fundaverat et post eum pater meus Stephanus largissimis concessionibus ampliaverat et fratribus inibi Deo servientibus quidquid libertatis quidquid tuitionis contulerint præsenti scripto Deo auctore confirmo libertatem scilicet burgi qui ecclesie subjacet et Coinciacensi ville et ecclesiam illam a me et a successoribus meis ab omni exactione et inquisitione liberam præter vini mensuram et panem quem patres mei pro benedictione et caritate sibi et successoribus suis retinuerunt justitiam quoque monachis ibi Deo servientibus si reclamaverint per omnem terram mihi subditam de omni [] plenaria faciendam et quod aliis abbatiis vel ecclesiis jure hereditario pro temporali commodo ex acquisitione tertie partis vel medietatis facio supradicte ecclesie sine aliqua partitione et mundana remuneratione concedo ut Deus mihi et heredibus meis in hoc seculo præsenti pietatem suam offendat et in futuro suam magnam misericordiam concedat nullusque unquam heredum meorum militum vel famulorum meorum in omni terra ecclesie subdita aliquam violentiam vel justitiam facere præsumat sine assensu et voluntate monachorum Si quis vero ex militibus vel servientibus propriis de beneficio meo vel feodo pro salute animarum suarum Deo et ipsi ecclesie voluerint aliquid impertiri libere hoc agant ipsique monachi libere suscipiant et beneficium concessum pro allodio habeant Venerunt autem monachi plures ante nostram præsentiam postulantes et suppliciter postulantes ut chartam illam quam avus et pater meus de donatione et elemosyna Widonis de Brema fecerant præsenti scripto firmarem ne forte aliqua oblivione deleretur et a successoribus supradicti Widonis quod absit aliquo modo elemosyna legaliter facta truncaretur vel turbaretur cui petitioni ego Theobaldus assensum prebens quod petierant villas et redditus terram cultam et incultam servos et ancillas et maxime homines ad altare sancte Marie de Cruce pertinentes ubicumque sint cum omnibus consuetudinibus quas Bremensi domino debebant fideliter concessi et literis conscribi feci sigillum etiam meum ne unquam irritum haberetur apposui Ut autem hoc a me concessum testibus idoneis ratum haberetur testes qui interfuerunt huic nostre donationi præcepi subnotari Laudavit etiam et concessit istud uxor mea Machaldis comitissa et testis extitit Existunt etiam testes Hunfredus capellanus et Adulfus capellanus Nicolaus capellanus Willelmus quoque per cujus manum hæc scripta sunt Helias dominus de Monte mirello Burtardus de Santerio Hugo de Castro Theoderici Hugo de Lisiaco Gervasius de Montenetta de Carnoto Stephanus præpositus Hugo filius Roberti Stephanus coquus Oddo Campaniensis Hugo de Mayriaco Paganus de Burson Actum est hoc in claustro juxta ecclesiam sancte Marie Castri Theoderici anno Incarnationis Domini millesimo centesimo vigesimo tertio