Charter Document - 02183956
| Charter Number: | 02183956 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1121 - 1124 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Notum sit omnibus [ta]m futuris quam presentibus quod ex [precepto] domini nostri pape Calisti ad audientiam Engolismensis episcopi G[erardi] et sancte Romane ecclesie legati A[imericus] ecclesie Claromontensis episcopus cum clericis suis et P[] monasterii Cluniacensis abbas cum monachis suis pro querimoniis diffiniendis quas ecclesia Claromontensis adversus eos et ipsi adversus eam habuerant quod Luperciacum convenerunt ubi auditis ex utraque parte rationibus religiosi ac sapientes viri videlicet episcopi Vivariensis Agignensis Lemovicensis et Petragoricensis abbates Sancti Marcialis Sancti Eparchii et Aureliacensis clerici Hugo de Lavardino et Hiterius Valentine ecclesie canonicus ad reformationem pacis inter eos et concordie hanc diffinitionem ab utrisque laudatam ac concessam pro judicio dederunt quod quicquid in ecclesiis Arvernie monachi Cluniacenses possidebant quando celebratum fuit ab Urbano bone memorie papa apud Claromontem concilium illud etiam Cluniacensis ecclesia teneret et haberet Si vero postea concedente Claromontensis ecclesie pontifice cum laude quatuor aut trium ejusdem ecclesie clericorum monachi Cluniacenses aliquid quod non esset de communi victu canonicorum Beate Marie salva episcopi censura a clericis vel laicis obtinuerunt similiter Cluniacensis ecclesia quiete teneret et haberet Si autem aliquis ecclesie Claromontensis episcopus non concedente canonicorum generali capitulo ecclesias vel alia ecclesiastica de communi victu clericorum cum tribus aut quatuor alienaverit et monachis Cluniacensibus vel aliis dederit illas Claromontensis ecclesia revocabit et monachi Cluniacenses perdiderint Huic autem placito interfuerunt tam laicales persone quam clerici G abbas de Brantosma G abbas de Sarlatho archidiaconi Petragoricenses W de Nanclaro J de Salis G prior Huserchie monacus P et G de Mirebello monachi E prior de Vestencio clericus R[icardus] legati nepos clericus Hugo monacus Case Dei A vicecomes Lemovicensis Stephanus de Castello et plures alii laici Prior de Cruacho monacus A decanus de Seliacho S archipresbiter de Cuciacho P prior de Buxera monacus