Charter Document - 02183954
| Charter Number: | 02183954 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1121 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Willelmus Dei gratia Petragoricensis Episcopus Venerabili Abbati Clun Monasterii Domno Pontio et successoribus ejus regulariter substituendis in perpetuum Sapientium auctoritate provisum est temporum suorum gesta styli officio perpetuare ne posteritatis memoria obliterari futurorum intercapedine queat Notum itaque tam presentibus quam absentibus presentis scripture apicibus fieri volo quod ego ex officii nostri necessitate erga omnes Diecesis nostre Ecclesias curam gerens et in eis Religionis jura conservari desiderans dono et in perpetuum habendam concedo Deo et sancto Petro Apostolorum Principi Domno quoque Pontio Abbati supra dicti Monasterii et successoribus suis Ecclesiam sancti Theodori de Rocaboucort consilio clericorum Petragoricensium Sedis Vvillelmi scilicet de Nonclar Arnaudi Vvillelmi Iterii de Sauret et aliorum plurimorum qui nobiscum intererant dantibus pariter et concedentibus Canonicis ejusdem Ecclesie Itero videlicet Gandra et Helia de Sauret Petro tertio Geraldo Ferrono atque Petro Hugone aliisque quam pluribus laudante etiam atque confirmante Domno Girardo Engolismensi Episcopo et sancte Romane Ecclesie Legato presentibus clericis Engolismensis Ecclesie Ricardo et Willelmo fratre suo ejusdem Legati nepotibus Eudrado ejus Capellano atque Theaumo ejus Notario Vt autem donum istud absque alicujus calumnia certum habeatur et ratum perduret hanc chartam sigilli nostri munimento consigno et predictum Abbatem Cluniacensem investio sub eorumdem clericorum nostrorum testimonio Monachorum vero Pontii Prioris de Berbezillo Geraldi Roberti Prioris de Montebertulfi Arnaudi Prioris de Roncenaco Factum est autem hoc donum anno ab Incarnatione Domini MCXXI Calixto Papa in Sede Apostolica presidente atque in Francia Ludovico Rege regnante ubique Domino Jesu Christo imperante Amen