Charter Document - 02183941

Calixtus Episcopus servus servorum Dei dilecto in Christo filio Matth[]o Priori Monasterii sancti Martini quod de Campis dicitur salutem et Apostolicam benedictionem Sicut injusta poscentibus nullus est tribuendus effectus sic legitima desiderantium non est differenda petitio Proinde nos dilecte in Christo fili Matthee Prior tuis petitionibus annuentes beati Martini Monasterium cui authore Deo ex venerabilis fratris nostri Pontii Cluniacensis Abbatis institutione presides presentis decreti authoritate munimus statuentes ut quemadmodum cetera Cluniacensis Cenobii membra semper sub Apostolice Sedis tutela permaneat Cuncta etiam que in presenti duodecima indictione eidem loco pertinere videntur quieta vobis semper et integra permanere sancimus videlicet in pago Parisiensi decimam ejusdem prefati Monasterii sancti Martini et altare et decimam de Callevio In suburbio Parisiace urbis Ecclesiam sancti Jacobi cum Parochia Prope Monasterium sancti Martini Capellam sancti Nicolai Infra urbem in vico qui dicitur Judeorum Furnum quemdam et ad magnum pontem duo molendina Ecclesiam sancti Dionysii de monte Martyrum cum Capella que ad sanctum martyrium appellatur Nusiellum villam cum Ecclesia et Atico et omnibus appendiciis suis Rusiacum villam quam dedit Anselmus Dapifer Apud Taverniacum et Turnum et Moncellum hospites et vineas et census et sylvam Castanearum ex dono Odonis Comitis de Corbolio et aliam sylvam de Castaneis juxta eandem sitam Ecclesiam de Erigniaco Apud Pontisaram castrum de dono regio et Radulfi Delicati et Guarnerii Sylvanectensis hospites censum et terras Apud vallem Joiaci terram censum et hospites ex dono cujusdam Monachi Berengarii concedente Osmundo de Calvomonte et villam Castaneum cum Ecclesia et decima et terram de Puteolis et altare de Fontaneto Altare Ecclesiam Aticum et decimam de Esven Altare Aticum et decimam de Campaniaco Ecclesiam de Doetmonte cum appendiciis suis Altare de Ermenonvilla Ecclesiam de Duniaco et molendina et cetera que ibi sunt sancti Martini Apud Pontem Ebali curtem et terras Ceurentium villam cum appendiciis suis et Ecclesiam ejusdem ville cum capella et decima de Liuriaco Bonseias cum Ecclesia et appendiciis suis Apud Nuseium siccum terram et censum Et apud Cleici terram et censum et Penthinum cum Ecclesia et appendiciis suis et Roveredum cum circumadjacentibus terris Apud Luuram in Parisiaco Ecclesiam cum Atico Apud Gornacum castrum Monasterium sancte Marie cum omnibus appendiciis suis Villam Nuseium cum omnibus appendiciis suis Maiatlas cum Ecclesia et appendiciis suis Decimam de Atiliaco Villam confluentiam cum Ecclesia et appendiciis Apud sanctum Marcellum terram quam dedit Cleophas Monachus Apud Vitriacum villam domum torcular vineas et censum et molendinum de Arcoilo Apud Clamardum Ecclesiam terram vineas et censum Apud sanctum Clodoaldum terram que Alnetus dicitur cum appendiciis suis In monte Savias et monte Martyrum torcularia et vineas In Carnotensi pago Ecclesiam de Bonnella cum atrio et hospitibus et omnibus appendiciis suis Visanis villam cum Ecclesia et appendiciis suis Bolovillam cum appendiciis suis et Escun et Olanmontem et villam Goucolum cum Ecclesia et decima Apud Mondonvillam hospites et terras Apud Capellam hospites et terras Rodenis villam cum Ecclesia et appendiciis suis Apud Carnotum in burgo sancti Caralni hospites et censum Apud villam que Tabula dicitur censum denariorum et decimam de Beveriis Apud Crisperias Ecclesiam et decimam et hospites Villam Bault Sanctum Hilarium cum Ecclesia et appendiciis suis Gordum de Pissiaco Apud Medendam de transverso per aquam de singulis navibus tres obolos ex dono Gervasii Dapiferi et concessione Philippi Regis Apud Miliacum castrum et Contiacum decimum diem in reditu Pedagii partem videlicet pr[]fati Gervasii In Aurelianensi pago Hyenvillam cum Ecclesia et tota Parochia de Puteacio et decimum mercatum cum omnibus appendiciis suis et altare de Novavilla In Senonensi pago Ecclesiam et atrium de Pringi et Novas Apud Conam Ecclesiam et atrium cum appendiciis suis In Suessuoniensi pago villam que sancta Gemma dicitur cum Ecclesia et appendiciis suis et terram de monte Aldonis In Meldensi pago Anetum villam cum Ecclesia et atrio et appendiciis suis In Laudunensi pago Disiacum villam et Allodium de Branna cum appendiciis suis In Noviomensi pago Ecclesiam de castro quod Capii dicitur cum appendiciis suis Altare de Heldicurte et altare de Bevelone In Ambianensi pago Ecclesiam de Ligniaco cum appendiciis suis Apud Arenas castrum Ecclesiam beate Marie cum appendiciis suis Apud Ruam Vertunum et Waben redditus salis et aquarias piscium In Tarvanensi page altare de Feurentiaco cum appendiciis suis In Belvacensi pago apud Bellummontem Ecclesiam sancti Leonori cum appendiciis suis et decimam de Mediana curte Apud Nusiacum terram et censum Apud Mervacum villam altare atrium et decimam cum appendiciis suis et altare sancti Audomari cum appendiciis suis Apud Belvacum Ecclesiam sancti Pantaleonis Apud Montiacum sancte Opportune Ecclesiam ejusdem Sancte cum appendiciis suis In Silvanectensi pago Monasterium sancti Nicolai de Aciaco cum appendiciis suis Apud Lorvillare Ecclesiam atrium decimam et hospites In Anglia apud Londoniam terram censualem et hospites ex dono Radulfi de Juin ex concessione Heinrici Regis Apud castrum Barnastabale Ecclesiam cum appendiciis suis Et cetera que predecessorum nostrorum sancte memorie Urbani Pape et Paschalis secundi privilegiis continentur Quecumque preterea a quibuslibet de suo jure eidem loco collocata sunt vel in futurum conferri contigerit firma semper et illibata permaneant tam a te quam ab aliis qui per Cluniacenses Abbates eidem loco prepositi fuerint possidenda regenda ac perpetuo disponenda Decernimus ergo ut nulli omnino hominum liceat idem Cenobium temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione ac gubernatione concessa sunt usibus omnimodis profutura Si qua igitur in futurum Ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetua iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Ego Calixtus Catholice Ecclesie Episcopus Datum apud sanctum Dionysium per manum Grisogoni S R E Diaconi Cardinalis ac Bibliothecarii V Kal Decemb Indict XIII Incarnationis Dominice anno MCXIX Pontificatus autem Domini Calixti secundi Pape anno primo