Charter Document - 02183940
| Charter Number: | 02183940 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1119 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Wido Dei gratia Gebennensis episcopus venerabili domino et amico nostro Pontio Cluniacensi abbati tuisque successoribus in perpetuum Ecclesiam de Condominio cum omnibus appenditiis suis pro anima mea et pro animabus omnium antecessorum meorum ecclesie Cluniacensi concedimus laudamus et confirmamus ea tamen conditione ut Radulfus nepos meus et illi qui habuerint principalem dominationem in castro Fulciniaci semper habeant advocatiam Condominii et rerum ad eam pertinentium Et si pro qualicunque injuria controversia exorta fuerit inter homines illius qui fuerit dominus de Fulciniaco et homines monachorum habitantium apud Condominium clamor non ad aliam qualicunque secularem personam deferatur nisi ad dominum de Fulciniaco et ad priorem Condominii et ita ut justitia fiat aut apud Fulciniacum aut apud Condominium Hanc donationem facio Deo et sanctis apostolis Petro et Paulo et Cluniacensi ecclesie pro anima patris mei Ludoici et avi mei Ermenradi et Guillelmi fratris mei et filiorum ejus Rodulfi Ludoici Raimundi et episcoporum Geraldi Lausanensis et Amedei Morianensis nepotum meorum et matris eorum Utilie et matris mee Teberge et omnium qui nati sunt vel nascituri sunt de nostra progenie et cognatione Signum Aymonis de Peloniaco canonici S Alberici decani canonici S Aymonis comitis Gebennensis S Guillelmi filii ejus S Guillelmi Dardelni S Gauceranni fratris ejus S Fulconis fratris eorum S Guidonis de Filingis S Richardi vicedomini militis Conservantibus hec pax conservetur eterna Si quis autem [quod absit] hanc nostre constitutionis paginam sciens contra eam temere venire temptaverit donec ad satisfactionem veniat alienus a corpore et sanguine Domini fiat Feci autem hoc donum ego Vuido Gebennensis episcopus publice in civitate Gebenna in claustro beati Petri astantibus et conlaudantibus canonicis meis Alberico decano et Witberto priore de Condominio et Pontio capellano necnon Willelmo ejusque filiis Rodulfo milite Giraldo Lausanense [episcopo] et Amedeo Morianense episcopo et multis aliis tam clericis quam laicis presente quoque domino Willelmo Catalaunense episcopo qui cum predicto abbate pro pace regni et sacerdotii ad imperatorem Heynricum proficiscebantur Actum anno Dominice incarnationis millesimo centesimo nono decimo pridie nonas septembris