Charter Document - 02183933

Gelasius Episcopus servus servorum Dei charissimo in Christo fratri Pontio Cluniacensi Abbati ejusque successoribus regulariter substituendis in perpetuum ignem semper in altari ardere legale preceptum est Quem sacerdos qui patri jure successerat supposita lignorum strue ne deficeret enutriret Hoc jam diu in cordibus nostris sacerdos verus eterni patris filius conservavit quia et priusquam te in Abbatis officium et me in Pontificatus ministerium provexisset corda nostra dilectionis igne succendit et charitatem in nobis mutuam custodivit et post susceptas ordinationes amplificavit Unde nos in his que pro Cluniacensis Monasterii salute et quiete postulas dulcedini tue abnuere indignum duximus ipsa etiam ejusdem loci veneranda Religio et predecessorum tuorum vita venerabilis nos ad hec efficienda compellunt Pro tua igitur et fratrum tuorum petitione universa que predecessor tuus felicis memorie Hugo Abbas in die obitus sui ita quiete atque pacifice possidebat ut nullum inde Canonicum judicium recusaret tibi et Cluniacensi Monasterio imposterum quiete atque pacifice habenda et possidenda statuimus Illam etiam a vobis calumniam Apostolice sedis patrocinio removemus qua Episcopi pro controversiis que inter vos et ipsos frequenter emergunt innocentes homines parrochiarum vestrarum et altercationum expertes interdictis suis vehementer affligunt Sane et Abbatias quas predecessores nostri Apostolice sedis Pontifices predecessoribus tuis deliberatione provida per sua privilegia ordinandas commiserunt nos quoque strenuitati tue ac successoribus tuis in eadem religionis observantia et dilectione sedis Apostolice permansuris ordinandas committimus ut per industriam vestram religionis status in eis auxiliante Domino conservetur Videlicet in Episcopatu Lemovicensi Abbatiam sancti Martialis In Engolismensi Abbatiam sancti Eparchi In Sanctonensi Abbatiam sancti Joannis de Angeriaco In civitate Pictavensi Abbatiam que dicitur Monasterium novum In Episcopatu Tolosano Abbatiam Lesatensem In Caturcensi Abbatias Moysiacensem et Figiacensem In Nemausensi Abbatiam S Egydii In pago Arvernensi Abbatias Mausiacensem Tiernensem et Menotensem In Episcopatu Augustodunensi Abbatiam Vizeliacensem In civitate Antissiodorensi Abbatiam sancti Germani In Episcopatu Cameracensi Abbatiam Hunicurtis In Rothomagensi Abbatiam que dicitur Pontesia In Tarvannensi Abbatia S Bertini et S Vulmari In Italia Abbatiam sancti Benedicti supra Padum Ea vero que temporibus nostris per vestram et fratrum vestrorum sollicitudinem legitime acquisita sunt quieta vobis vestrisque successoribus et illibata permaneant Preterea super illum Dalmatice sive Sandaliorum usum quem persone tue predecessor noster sancte memorie Paschalis Papa nostra potissimum intercessione concessit hoc tibi singulariter amplioris dilectionis specimen indulgemus ut quotiens Missas solemnes vel in populo celebraveris usu eorumdem insignium potiaris Ad hec quidquid libertatis quidquid tuitionis a predecessoribus nostris vestro Monasterio vestrisque predecessoribus concessum est nos quoque vobis vestrisque successoribus presentis decreti pagina roboramus Si quis igitur decreti hujus tenore cognito temere quod absit contraire tentaverit Apostolice indignationis ultione plectatur nisi presumptionem suam digna satisfactione correxerit Ego Gelasius Ecclesie Catholice Episcopus signum manus mee Deus in loco sancto suo Datum Avenione per manum Grisogoni S R E Diaconi Card XVII Kalend Jan Indict XII Dominice Incarnationis anno MCXVIII Pontificatus autem Gelasii secundi Pape anno primo