Charter Document - 02183932
| Charter Number: | 02183932 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1118 |
| Date type: | Internal, A.D., Papal |
| Resource Link(s): |
CCE: cartae cluniacenses electronicae |
Charter:
Gelasius Episcopus servus servorum Dei charissimo fratri Pontio Cluniacensi Abbati salutem et Apostolicam benedictionem Cluniacensis Monasterii prudens Religio et Religiosa prudentia et ante nostra tempora et nostris temporibus Romanam Ecclesiam maxime sibi fecit obnoxiam Sed preter illud commune dilectionis debitum persone tue sinceritas mihi semper amabilis semper optabilis charitatis nostre viscera plenis ut nosti sinibus ampliavit idcirco petitionibus tuis illis precipue que ad Monasterii vestri quietem et salutem spectant nequaquam duximus obviandum Per presentis igitur decreti paginam secundum postulationem fraternitatis tue precipimus atque statuimus ut quidquid possessionis ad Cluniacense Monasterium pertinentis reverendissime memorie predecessor tuus Hugo in die mortis sue per authenticam Romanorum Pontificum concessionem quiete ac sine calumnia possidebat tu quoque tuique successores quiete ac sine calumnia possideatis Ea etiam que post tuam provectionem Cluniacensi Monasterio vel per tuam vel per fratrum tuorum industriam legitime acquisita sunt firma quieta et integra conservanda censemus Volumus enim Cluniacense Monasterium Auctore Deo in quiete perpetua et tranquillitate persistere ut a secularibus tumultibus liberi omnipotentis Dei servitiis vacare quietius valeatis Ego Gelasius Catholice Ecclesie Episcopus signum manus mee Dominus in loco sancto suo Datum Capue II Idus Aprilis per manum Grisogoni S R E Diaconi Cardinalis anno Dominice Incarnationis MCXVIII Indict XI Pontificatus autem Domni Gelasii secundi Pape anno primo