Charter Document - 02183911

Paschalis Episcopus servus servorum Dei charissimo filio Pontio Cluniacensi Abbati ejusque successoribus regulariter substituendis in perpetuum Apostolice Sedis authoritate debitoque compellimur pro universarum Ecclesiarum statu satagere et earum maxime quieti quo sedi eidem specialius adherent ac tanquam jure proprio subjecte sunt et ampliori religionis eminent gratia auxiliante Domino providere Ea propter petitionibus tuis fili in Christo charissime Ponti non immerito censuimus annuendum ut Cluniacense Monasterium cui Deo authore presides Apostolice sedis privilegio muniremus Illas igitur possessiones que tue prelationis tempore acquisite sunt et ab Episcopis tradite vel per Episcopos confirmate nos tibi tuisque successoribus et per vos eidem Cluniacensi Monasterio confirmamus In Normannia videlicet Ecclesiam SS Cosme et Damiani in Episcopatu Constantiensi In Anglia Ecclesiam sancte Trinitatis de Lentona in Castro Nortingahant In Episcopatu Bisuntino Monasterium de Altapetra et Monasterium de Valleclusa In Episcopatu Tolosano Monasterium sancte Columbe In Mindoniensi Ecclesiam sancti Martini de Negdal In Auriensi Ecclesiam S Vincentii de Palumbario In Astoricensi Ecclesiam sancti Salvatoris de Valle viridi Preterea quecumque predia quascumque possessiones in futurum concessione Pontificum liberalitate Principum vel oblatione fidelium juste atque canonice poteritis adipisci firma vobis vestrisque successoribus et illibata permaneant Decernimus ergo ut nulli omnino hominum liceat idem Monasterium temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura Si qua igitur in futurum Ecclesiastica quelibet secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat et a sacratissimo corpore ac sanguine Dei et Domini nostri Redemptoris aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Amen Ego Paschalis Catholice Ecclesie Episc Datum Anagnie per manum Joannis S R E Diaconi Cardinalis ac Bibliothecarii VII Idus Novembris Indict VIII Incarnationis Dominice anno MCXIV Pontificatus autem Domini Paschalis secundi Pape XVI