Charter Document - 02183899
| Charter Number: | 02183899 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1112 |
| Date type: | Internal, A.D., Calendar |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Domno Pontio reverendo sancte Cluniacensis ecclesie abbati Balduinus Flandrensium comes et Clementia comitissa eternam in Christo felicitatem Cupientes ea que ad religionem pertinent firma permanere ne videlicet bene inchoata callidus hostis valeat pessumdare serenitati vestre notum facimus concessionem illam quam de ecclesia Sancti Bertini dominus meus Rotbertus comes adhuc vivens me quoque annuente predecessori vestro domno Hugoni pie memorie abbati concessit scriptoque confirmavit nunc etiam pro remedio animarum nostrarum tam me quam filium meum libenter vobis vestrisque successoribus iterato concedere ratamque peromnia omni occasione seposita fore Porro ut hec concessio nostra firma permaneat in conspectu principum cum eorundem assensu eam firmavimus atque sigilli nostri impressione subtersignari fecimus Signum Lanberti abbatis Signum Galteri thesaurarii S Rainneri notarii S Bernardi capellani S Alardi S Rodgerii castellani Insulani S Galterii castellani Curtriacensis S Reigeri dapiferi S Gillelmi dapiferi S Vulrici pincerne S Guidonis Actum anno Domini MCXII in villa Iprensi pridie idus aprilis