Charter Document - 02183898
| Charter Number: | 02183898 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1111 - 1122 |
| Date type: | Assigned |
| Resource Link(s): |
BnF Département des Manuscrits - NAL 1498 (f14v) CCE: cartae cluniacenses electronicae |
Charter:
Venerabili patri et domino P Dei gratia Cluniacensi abbati A[imericus] Claromontensis ecclesie humilis minister salutem et sinceram dilectionem Reverende paternitati vestre ac caritati hactenus nobis exibite deesse in his que postulat nec debemus nec possumus Indignum etenim valde arbitramur si tanta persona in his que persolvere valemus apud nos repulsam paciatur Ea propter petitioni vestre que per venerabilem priorem Cluniacensem Armannum nobis facta est annuimus Uzonensem ecclesiam cum omnibus ad eam pertinentibus et perpetuo possidendam Celsiniensi priori et omnibus successoribus ejus concessimus salvo jure Claromontensis ecclesie et omnium episcoporum ejus et retenta censura decem solidorum Podiensium vel quinque Claromontensis monete qui annuatim Claromontensi episcopo persolvantur