Charter Document - 02183891
| Charter Number: | 02183891 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1110 |
| Date type: | Internal, A.D. |
| Resource Link(s): |
BnF Département des Manuscrits - NAL 1498 (f1v) CCE: cartae cluniacenses electronicae |
Charter:
Ego Amelius Dei gratia Tolosanus Episcopus Recognoscentes Ecclesiam sancte Columbe que in Tholosano sita est territorio Chercorbensi iuxta fluuium Herz iuris esse S Petri Cluniacensis Cenobij in manu domni Pontii Abbatis ipsam Ecclesiam sancte Columbe cum Ecclesiis ad eam pertinentibus Cluniaco restitui salva iustitia Tolosane Ecclesie Hoc autem feci pro multa multumque chara dilectione que inter nostros maiores et Cluniacenses Patres ab olim vique nunc conservatur et pro sincera vereque germana amicitia quam cum predicto Abbate specialiter habeo et habere semper curabo et ut particeps esse merear Cluniacensis fraternitatis in cunctis benefactis eorum In quo bono omnes legitimos successores meos qui hoc factum et hac chartam laudaverunt participes esse volo et oro Hoc factum laudaverunt Canonici nostri Tolosane Sedis Arnaudus Willelmus Archipresbyter cum ceteris Vicecomes quoque Bernardus Atton ipsam Ecclesiam cum pertinentiis suis reddidit et novam inde donationem fecit Cluniaco in manu nostra et in manu predicti Abbatis quantum ad ipsum pertinere poterat concedens ut quicumque feudalium suorum de bonis predicte Ecclesie sancte Columbe aliquid possidebat se volente restitueret Sed et frater meus Petrus Reimundus et uxor eius Adila que soror erat predicti Abbatis quicquid de bonis Ecclesie habebant gratis restituerunt simulque et filium suum puerum Willelmum nomine in Cluniaco futurum Monachum donaverunt Signum Amelij Tolosani Episcopi qui Ecclesiam sancte Columbe cum pertinentiis suis Clun redonavit et laudavit et Chartam istam inde firmavit Signum Raimundi Ausciorum Archiepiscopi qui ad utramque donationem Episcopi scilicet atque Vicecomitis presens fuit S Arnardi Raimundi Prepositi S Arnaldi Willelmi Archipresbyteri S Ifarni Frigdilensis Prioris S Willelmi Capellani S Bern Atton Vicecomitis S Bern de Villamodi Porro alij quam plures Monachi et Clerici et Milites extiterunt testes Actum apud sanctam Eulaliam prope Carcasonem in manu domni Pontii Cluniacensis Abbatis Anno ab Incarnatione Domini MCX sub domno Paschali secundo regnante Lugdouico Rege Francorum Albertus Theutunicus rogatus scripsit