Charter Document - 02183888

In nomine Patris et Filii et Spiritus sancti amen Ego Lisiardus Dei gratia Suessionensis episcopus ad sollicitudinem et professionem nostram spectet dispersa colligere diruta restituere errata corrigere et bonorum omnium cooperatores existere studiose illis maxime operam et favorem nostrum impendere dignum duximus quos in sancta religione propensius exercitari cognoscimus in quo pietatis officio cum religiosis omnibus benignos fore nos oportere fateamur familiarius tamen amplectimur et in sinu suscipimus et quasi in visceribus gestamus fratres nostros vere cultores Dei monachos Cluniacenses tam eos qui in illo excellentissimo loco et vere castris Dei conjuncti et quasi densata acie contra hostes invincibiles constituti quam eos qui extra ut de terrenis lucra spiritalia reportent directi et hii namque non minus illis venerabiles etiam cum ad nostrum publicum prodeunt et externis laboribus interesse videntur quia dum necessitatibus Sanctorum intus Deo vacantium semperque orantium per obedientie devotionem militant illorum contemplationis et orationis virtutem equiparant ut impleatur in eis quod dicitur odor vestimentorum tuorum sicut odor thuris De his ergo jure taliter sentiendo et eorum profectibus interioribus et exterioribus congratulando statui ego Lisiardis Dei gratia Suessorum episcopus pleno affectu amare colere benefacere dilectis fratribus nostris monachis apud Consiacum prope nos et in nostro episcopio manentibus ad supradictam sanctam et egregie religiosam Cluniacensem congregationem pertinentibus Venerabili igitur et religioso viro Vicherio prenominati Consiacensis cenobii priori facultatem dedi et persuasi ut quedam altaria a laicis multis temporibus indigne possessa liberare operam daret et ad ecclesiasticam possessionem et usum Deo servientium reducere satageret Egit itaque data sibi auctoritate ut strenuus et spiritualis negotiator et cum religiosis fratribus suis quod injustitia seu violentia usurpaverat eripere instituit donec quasi spoliata Egypto res indigne servientes ad obsequium Israelitarum traduxit Unde commutationem hujusmodi approbantes predicto cenobio nostrorum assensu clericorum eadem altaria habenda concessimus salvo jure et consuetudinibus nostris et ministerialium nostrorum altare scilicet Cresanci altare Condati altare Wicenis Preterea dedimus ei altare Kalet eo tenore ut pro iis altaribus census decem solidi fratribus Suessionensis ecclesie in natali seu anniversario meo quotannis persolvantur Que concessio ut inviolata permaneat auctoritatis nostre decreto corroboravimus et sigilli nostri munimine et legitimorum testium adhibitione perfecimus Signum Lisiardi episcopi Sig Fulconis archidiaconi Sig Ansculfi archidiaconi Hugonis precentoris Sig Walterii sacerdotis Sig Odonis sacerdotis Sig Fulconis diaconi Sign Girardi diaconi Sig Roberti diaconi Sig Theobaldi subdiaconi Sign Yvonis subdiaconi Sig Hugonis subdiaconi Sign Durandi acolyti Sign Roriconis acolyti Sig Leonis acolyti Actum Suessioni anno Dominice Incarnationis MCX episcopatus domini Lisiardi Suessionensis primo decimo sexto calend Aprilis indictione tertia