Charter Document - 02183876

Paschalis Episcopus servus servorum Dei dilecto filio Pontio Monasterii Cluniacensis Abbati ejusque successoribus regulariter substituendis in perpetuum Et Religio Cluniacensis Cenobii cui Deo auctore presides et predecessoris tui sancte memorie Hugonis Abbatis dulcissima reverendaque dilectio cogunt nos fili in Christo charissime Ponti Abbas tuis petitionibus indulgere Ea propter Abbatias vel Prioratus qui sub prenotati Abbatis Hugonis dispositione manserunt sub tua quoque vel successorum tuorum dispositione permanere decernimus Id est Moisiacum Figiacum Abbatiam S Martialis Lemovicensis Angeriacum novum Monasterium Pictavense Abbatiam S Egidii Abbatiam Mauziaci Abbatiam Vizeliaci Abbatiam sancti Germani Antissiodorensis Abbatiam S Bertini Abbatiam S Vulmari Abbatiam Unicurti Abbatiam S Benedicti super Padum Prioratus Nantoaci Gigniaci S Marcelli Cabilonensis Crispejaci Vergiaci Paredum Carum locum S Marcelli de Salzeto S Salvatoris Niverni S Stephani ibidem Nazaram Charrionem sanctum Isidorum S Saturninum Salsinanias Silviniacum sanctam Mariam de Caritate Luperciacum sanctum Reverianum sanctum Martinum de Campis Longumpontem Conciacum Nogentum Leontium Gayas Trualdum Ganagobium Rozanum sanctum Pancratium de Lewis Montem Acutum in Anglia Tetfordium sanctum Albanum de Basilea Romanum Monasterium Paterniacum sanctum Victorem in Geneva Voltam sanctum Florum Alairacum Moiracum S Licerium S Orientium Sanctum Montem Carennacum sanctam fidem de Morlanis S Eutropium S Mariam de Castello S Majolum de Papia S Gabrielem de Cremona S Paulum de Bergamo S Jacobum de Pontida Bertemala Rodobium Castelletum S Gregorium de Placentia Abbevillam Asserentum Alavardum Domena Visilia Cabolium Magobrium Frodovillam Cellam in Alamannia Roquespertum Villaris S Mariam de Valle Marciniacum Ambertam Rivis Chaberos S Nazarium Borbonensem Boortzium Salas Saltum In locis autem que sine proprio Abbate diebus Domni ac venerabilis Hugonis Abbatis fuisse videntur numquam aliquis Abbatem ordinare presumat Illud etiam libertatis Cluniacensi Cenobio firmum haberi sancimus ut vestri Monasterii Monachi qui ad sacros sunt ordines promovendi a quibus malueritis Catholicis Episcopis promoveantur Chrisma vero si opportunitas exegerit in vestro faciatis Monasterio consecrari vel a quibus volueritis Episcopis accipiatis Si qua igitur in futurum Ecclesiastica secularisve persona hanc nostre Constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Qui vero divini timoris intuitu custos et observator extiterit sit super eum pax Domini nostri Jesu Christi quatinus et hic fructum bone actionis percipiat et apud districtum judicem premia eterne pacis inveniat Amen Ego Paschalis Catholice Ecclesie Episcopus Datum apud Castellium per manum Joannis S R E Diaconi Cardinalis ac Bibliothecarii XVII Kalendas Novembris Indict III Incarnationis Dominice anno MCIX Pontificatus autem Domni Paschalis secundi XI