Charter Document - 02183863

Anno Dominice incarnationis millesimo centesimo septimo medio mense augusto indi[c]tione XV Ego in Dei nomine Contissa veste velaminis sancte religionis induta et relicta quondam Azonis qui fuit dictus Crassus de civitate Mediolanensi que professa sum lege vivere Romana presens presentibus dixi Dominus omnipotens ac redemptor noster animas quas condidit ad studium salutis semper invitat et ideo ego que supra Contissa volo et judico seu per hanc paginam ordinationis mee inviolabiliter confirmo ut omnes res territorie juris mei quas habere visa sum in loco et fundo seu monte qui dicitur Brianza ad locum ubi dicitur Infigina presenti die et hora deveniant in jure et proprietate monasterii ecclesie Beati Petri apostoli quod est constructum et edificatum in loco qui dicitur Cluniea in quo scilicet loco de suprascripto loco Brianza ad jam dictum locum qui dicitur Infigina ego que supra Contissa volo et dispono edificare seu ordinare ecclesiam unam in honore beati confessoris Nicholai et cellam unam juxta ipsam ecclesiam que amodo et deinceps ipsa ecclesia et cella semper sit sub cura et regimine seu potestate et defensione ipsius monasterii et ecclesie Sancti Petri que dicitur in Cluniea sine regimine et potestate alicujus celle sed semper ipsa ecclesia et cella predicti Sancti Nicholai una cum jam dictis omnibus rebus territoriis specialiter permaneat in potestate et regimine seu defensione ipsius monasterii Sancti Petri eo tamen ordine ut monachi et officiales ipsius ecclesie Sancti Nicholai habeant et teneant predictas res omnes que superius leguntur faciendum exinde de frugibus et reditibus qui de ipsis rebus annualiter exierint ad eorum communem utilitatem quodcumque voluerint ita tamen ut jam dicti monachi et officiales ipsius ecclesie seu celle Sancti Nicholai qui nunc et in perpetuum in eadem ecclesia seu cella fuerint persolvant annualiter fictum pro benedictione pro ipsis rebus argenti denarios Mediolanenses solidos quinque ad partem ipsius monasterii Sancti Petri quod dicitur in Cluniea pro mercede et remedio anime mee que supra Contisse et ipsius quondam Azonis qui fuit vir meus quia decrevit mea bona voluntas et nec mihi liceat amodo ullo tempore nolle quod volui sed quod a me hic semel factum vel conscriptum est inviolabiliter conservare promitto cum stipulatione subnixa Actum in suprascripta civitate Mediolanensi Signum manus suprascripte Contisse que hanc cartam judicati [] fieri rogavit Signum manuum Alexandri et Arnaldi germanorum lege vivencium Romana testium Signum manuum Arderici et Nazarii atque Maifredi testium Ego Anselmus judex interfui et rogatus subscripsi Ego Ardericus notarius sacri palacii scripsi post traditum complevi et dedi