Charter Document - 02183861
| Charter Number: | 02183861 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1107 |
| Date type: | Internal, A.D., Calendar, Papal |
| Resource Link(s): |
CCE: cartae cluniacenses electronicae |
Charter:
Paschalis Episcopus servus servorum Dei venerabili fratri Hugoni Cluniacensi Abbati salutem et Apostolicam benedictionem Desiderium quod ad religiosum propositum et animarum salutem pertinere monstratur sine aliqua est authore Deo dilatione complendum Venerabilis siquidem frater noster Joannes Morinorum Episcopus petente Eustachio Bononiensi Comite sancti Vulmari Abbatiam sollicitudini tue carissime frater Hugo corrigendam et in perpetuum vel a te vel a tuis successoribus ordinandam commisit Et nos ergo juxta ejus desiderium ac deliberationem presentis decreti assertione sancimus ut idem beati Vulmari Monasterium semper in tua tuorumque successorum ordinatione permaneat nec alius illic Abbas constituatur nisi qui vestra fuerit deliberatione provisus Idem etiam de Menatensi Monasterio constituimus quod jamdiu in vestra ordinatione permansit Preterea quoniam omnipotens Deus et ante nostra tempora et in diebus nostris precipuam religionis Monastice disciplinam in vestro dignatus est Monasterio conservare hanc vobis prerogativam concedimus ut quisquis ad vos alieni Monasterii Monachus pro vite melioratione transierit licenter recipiatur remotis prioris loci querimoniis ut largiente Domino salutis quam querere videtur apud vos potiatur effectu Si quis vero temerario ausu his salutiferis constitutionibus obviam ire presumpserit Apostolice indignationis ultione plectatur et communionis Ecclesiastice periculum patiatur Ego Paschalis Catholice Ecclesie Episcopus Datum apud Aquam Bellam per manum Joannis S R Ecclesie Diaconi Cardinalis ac Bibliothecarii II Nonas Augusti indict XV anno MCVII Pontificatus autem Domni Paschalis secundi Pape anno octavo Bullata in plumbe Pensili cum filis sericis rubei et crocei Colorum non retortis