Charter Document - 02183860
| Charter Number: | 02183860 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1107 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Carissimo Omnique reverentia precordialiter amplectendo domno Hugoni sancte Cluniacensis Ecclesie Abbati Evstachivs Bononiensium Comes una cum Comitissa Maria sue sanctitatis ancilla post transitum huius vite iocunditatem felicitatis eterne Cognitum habentes neminem nostrum hic manentem habere civitatem ex his que nostri iuris sunt prout divina gratia inspiraverit omnipotenti Domino aliqua pro redemptione animarum nostrarum conferre dignum duximus Unde inter cetera locum illum sancti Vlmari pro cuius correctione diu multumque laboravimus presertim quia pater meus adhuc vivens locum sepulture ibidem sibi elegit consilio et auxilio vestro in melius commutare ac reformare summopere expectamus Communicato igitur cum Optimatibus nostris consilio ac super his unanimiter assentientibus in presentia videlicet domni Ioannis Taruanensis ac dilecti filij nostri Abbatis S Bertini predictum locum omniaque ad ipsum pertinentia quicquid scilicet de eadem Abbatia ad nos spectare vel pertinere videtur vobis vestrisque successoribus per presentis Privilegij paginam non solum concedimus imo iure perpetuo summa alacritate donamus quatenus omnis ordinatio loci illius a vobis deinceps pendeat nec quisquam Comitum seu Principum ullo unquam tempore inibi quicquam usurpare vel contingere omnino presumat Quia ergo quicquid possumus vestrum est unanimi affectu tam ego quam Comitissa reverentie vestre partes dirigimus ut si pro nobis non vultis statim pro omnipotentis Dei amore nil unquam excusationis pretendentes petitionibus nostris adquiescatis quia quod vique ad hanc diem non contigit modo omnia tranquille ac pacifice et pro imperio potestis ordinare Ut autem presens pagina in posterum firma valeat permanere quosdam Procerum ac Principum qui huic confirmationi interfuerunt placuit hic annotare Signum Eustachij Comitis S Marie Comitisse S Balduini de Caioht et Rogeri fratris sui S Ingelramni de Monsteriolo S Hugonis de Colesberge S Nensedi Dapiferi S Willelmi Vicecomitis et aliorum Actum est hoc apud sanctum Vlmarum anno Verbi incarnati MCVII Indictione v