Charter Document - 02183856
| Charter Number: | 02183856 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1107 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
P[ontius] Dei gratia Bisuntinus archiepiscopus H[ugoni] Cluniacensi abbati cunctisque in Deo sibi subditis fratribus salutem Valclusensis ecclesie et prioris Mortue Aque Hugonis peticioni juste vel qui eam possident principum adquiescere volentes consensu Bisontine ecclesie concedimus Domino Deo et beatis apostolis ejus Petro et Paulo et Cluniacensi ecclesie cui Hugo abba preest omnibusque successoribus ejus Valclusensem ecclesiam habendam et in perpetuum possidendam salva tamen omni debita subjectione sancte matris Bisontine ecclesie S domni Mainerii decani S domni Hugonis S domni Manasses S domni Bernardi S domni Alberti Facta est hec promissio anno ab incarnatione Domini millesimo CVII apud Bisontinam urbem in capitulo Sancti Johannis euvangeliste