Charter Document - 02183855
| Charter Number: | 02183855 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1107 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Cunctos fideles in Christum credentes decet et hoc proprium debent habere studium ut de bonis a Deo sibi collatis aliquod Deo servientibus impendant beneficium quatinus Deum possint habere propitium Quapropter ego Thebaldus de Rubeo Monte ut possim abluere enormitatem peccatorum meorum dono et concedo Domino Deo et beatis apostolis ejus Petro et Paulo et Cluniacensi cenobio cui domnus Hugo abbas preest per manum domni Hugonis prioris de Mortua Aqua monasterium Vallis Cluse laudantibus universis ejusdem ecclesie clericis laudantibus etiam cognatis meis domni Guelfonis filiis Guillelmo et Amadeo cum matre eorum nomine Raimode rogatu etiam casatorum meorum Ilirici et Richardi fratris ejus Uzonis cognomento Pagani et universorum ejusdem ecclesie servorum Hanc donationem facio ego pro remedio anime mee patris et matris mee et universorum antecessorum seu successorum meorum et pro remedio animarum omnium clericorum et predictorum casatorum et cunctorum fidelium vivorum seu defunctorum Facta est autem hec donatio apud Mortuam Aquam anno ab incarnatione Domini millesimo CVII feria II Dominice resurrectionis Paschali secundo Romanam ecclesiam regente presentibus testibus domno Pontio Trevensi Gualone de Novo Castello Gaufredo Trevensi Geraldo sescalco suo Othone de Mandodro Rotberto Capello Guidone de Perciaco Si quis vero [quod non credo] ausu temerario hanc nostram donationem violare temptaverit primitus iram omnipotentis Dei omniumque sanctorum incurrat et nisi male temptata digne emendaverit eterno cruciandus incendio eterno regno in perpetuum privetur