Charter Document - 02183853

Robertus Dei gratia Flandrensium Comes domno Hugoni sancte Cluniacensis Ecclesie reverendo Abbati salutem et dilectionem Quoniam ut ait Apostolus Non habemus hic manentem civitatem diesque nostri tanquam umbra pretereuntes quotidie evanescunt et ex voce Veritatis luce clarius constat omnem arborem qua non facit fructum bonum excidi et in ignem eternum mitti Oportet maxime nos qui ceteris hominibus prelati videmur ut dum in hoc corpore fumus aliquid ex his que ad omnipotentis Dei servitium pertinent eo adiuvante operemur quatenus in futuro eterne retributionis utcunque particeps existere mereamur Quapropter beatitudini vestre notum esse volumus quod nobis post Dominica bella Hierusalem digressis uxor mea nomine Clementia quam terre mee et omnibus quecumque iuris mei erant vice mea dum discederem prefeceram inter cetera diligenter intimavit sese per Abbate S Bertini a bonitate vestra impetrasse cum litteris cum viva voce ut de ordinando eiusdem Sancti Monasterio de Religione ibidem per sanctitatis vestre filios constituenda vos intromittere deberetis Nos autem super hoc immensas vobis gratias referentes et sacra Religioni plurimum congaudentes comunicato tandem consilio cum venerabilibus Episcopis Lamberto Atrebatensi et Ioane Taruanesi ceterisque fidelibus meis ob remediamus anime mee ob salute coniugis ac liberorum seu antecessorum meorum quatenus in futuro examine in illa tremenda die districtum Iudice propitium nobis inveniamus prodidi S Bertini Monasterium vobis vestrisque successoribus omnino libere ordinandum perpetuo iure concedimus et confirmamus sub presentis pagine attestatione salvo utique Morinensis Episcopi iure ea tamen conditione prefixa ut Abbatia numquam in Prioratum redigatur sed Abbate obeunte que ad hoc onus subeundum missuri estis vel si rationabilis causa extiterit deposito alter de vestra Cluniacensi Ecclesia et a vobis omni tempore substituatur propter stabilitatem videlicet ordinis et perseverantiam religionis Porro ut hec nostra concessio immo supplicatio in perpetuum rata atque illibata permaneat Charte huius exemplar penes nos retinere decernimus Vestre igitur incumbit sollicitudini sine dilatione tales tamquam idoneas ad rem tam necessariam personas ac tantorum saluti profuturas dirigere per quas Ecclesia religione crescat et exaltetur atque nomen Domini ab omnibus glorificetur Testes vero huius rei et confirmationis hic annotari placuit Signum Roberti Comitis S Clementie Comitissa S Ioannis Morinensis Episcopi S Lamberti Atrebatensis Episcopi S Ioannis Abbatis de monte S Eligij S Clarembaldi Archidiaconi S Hugonis Abbatis S Dionysij Remensis S Galteri Thesaurarij S Roberti Bituniensis et Aduocati ipsius Ecclesie S Baldrici de Cullien S Sigeri de Mutelte Datum Atrebati anno Domini Christi MCVI Idibus Februarij In nomine Domini feliciter Amen