Charter Document - 02183851
| Charter Number: | 02183851 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1107 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Paschalis Episcopus servus servorum Dei venerabili fratri Hugoni Cluniacensi Abbati et universis ejusdem congregationis fratribus salutem et Apostolicam benedictionem Sicut predecessores nostri Apostolice Sedis Pontifices vestre paci ac libertati tam preceptis quam etiam scriptis providere curaverunt sic et nos per Dei gratiam volumus ac debemus Ea propter inter cetera vestre pacis atque immunitatis decreta hoc decernimus ac mandamus et precipiendo determinamus ut a Matiscone usque Cluniacum a sancta Maria de Bosco usque Cluniacum a Carella usque Cluniacum a monte sancti Vincentii usque Cluniacum a Juliaco usque Cluniacum a Bellojoco usque Cluniacum a Branceduno sive Trinorchio usque Cluniacum scilicet neque a mediis horum terminorum per paria spatia viis usque Cluniacum nullus hominum presumat pedaticum levare aut novam aliquam exactionem facere super Cluniacum euntes vel inde redeuntes nec eorum personas pervadere vel tes eorum auferre vel ipsos capere Eum autem qui hanc legem scienter infregerit ab introitu Ecclesiarum arcendum censemus donec de commisso Cluniacensi Abbati vel ipsi Conventui satisfaciat Datum Cabilone IV Nonas Februarii indictione decima quinta anno Dominice Incarnationis MCVI Bullata in plumbo pensili cum simplici cordula