Charter Document - 02183835
| Charter Number: | 02183835 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1105 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Anno ab incarnatione Domini nostri Jesu Christi MCV decemnovenalis cycli IIII solaris XXII lunaris XVIII indictione XIII epacta III concurrente VI Paschali papa vice beati Petri apostolicam sedem tenente Henrico IIII regnante Burchado episcopo Basiliensem ecclesiam gubernante venerabili autem patre Hugone Cluniaco presidente omnipotentis Dei clementia ammonente atque ulterius nolente pati locum Altichilchensis ecclesie a symoniacis pollui immo dignante vivis ac defunctis amministratione quorum locus prefatus ad laudem suam est constitutus orationibus elemosinis inibi factis remissionem concedere peccatorum ego Fridericus filius comitis Theoderici de Montebiligardis laudante matre mea Hermentrude laudante etiam Burchado Basiliensi episcopo presentibus autem canonicis atque laudantibus Altichilchensis ecclesie Reinbaldo preposito Burchardo Vetulo Wernero Burchardo juvene Petro Azzone pro me meisque omnibus antecessoribus successoribusque feci donationem Sancto Petro Cluniacensi et Hugoni venerabili abbati Cluniacensis congregationis ac abbatibus monachisque ibi commorantibus per manum Hugonis de Durnach prioris scilicet de Mortua Aqua de loco qui vocatur Altichilca sito in territorio Basiliensi fundato vero et consecrato in honore sancti Cristofori martyris Actum est V nonas julii sub testibus his Conone de Agonavalle Lutfrido de Plugusa Winethero de Sancto Oudalrico Friderico de Heytewilare Henrico de Suercha Waltone de Michelbach Teywino de Suspa Reinbaldo de Amaratvilla Burchardo Winithero de Aspa aliisque compluribus tam clericis quam laicis