Charter Document - 02183834
| Charter Number: | 02183834 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1105 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
I[soardus] Dei gratia Vuapincensis episcopus venerabili patri domno Hugoni Cluniacensi abbati in Domino salutem Idibus maii residentibus nobis ante presentiam domini Paschalis pape frater Petrus domini pape camerarius et vestri cenobii monachus nos humiliter rogavit ut ecclesiam Sancte Marie de Vedeneto que nostri patrimonii est vestro traderemus monasterio et nos ergo pro vestre religionis reverentia et ejusdem fratris Petri amore vestro cenobio eandem ecclesiam cum omnibus ad eam pertinentibus preter sinodalem justiciam perpetuo concedimus possidendam Ut autem hec nostra concessio robur obtineat presenti pagine propriis manibus dignum duximus subscribendum Ego Isoardus episcopus subscripsi