Charter Document - 02183816
| Charter Number: | 02183816 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1103 |
| Date type: | Internal, A.D., Episcopal, Regnal |
| Resource Link(s): |
CCE: cartae cluniacenses electronicae |
Charter:
Balduinis Comes et mater eius Idem Ecclesiam S Saluij iure hereditario possidebant quam ab eis in beneficium Adelendis de Aldemarda tenebat a qua eam Geraldus de Landast et uxor Comitissa ab his etiam Alnadus et Richildis eius uxor nec non Galterus corum filius tenuisse noscuntur Qui enormitatem scelerum suorum abhorrentes et ne diutius in stercore suo computrescerent ea plangere fata gentes supra memorati omnes in eandem concurrentes voluntatem pari voto parique consensu divini timoris pariter et amoris respectu a predicte Ecclesiam iniusta se possessione emancipaverunt et eius inuestituram in manus domni Manasse tunc temporis Cameracensis Episcopi ut eam sancto Petro et Monasterio Cluniacensi largiretur deposuerunt Quam obviis manibus domnus Manasses supradictus Episcopus suscepit et eam Monasterio Cluniacensi liberam salva tamen in omnibus subiectione et obedientia Cameracensis Ecclesie cum omnibus eiusdem pertinentibus perpetuo tenendam concessit Contulit preterea idem Manasses ad predictam S Saluij Ecclesiam altare S Gaugerij et absque personarum successione salvo iure Episcopali eternaliter possidendum impertivit ea tantum religiosa pactione interposita ut inde quotannis sub censu auri uncia vel eque valens precium Ecclesie Cameracensi usibus Canonicorum in festivitate Luce Evangeliste persolvatur Prefixas igitur Sanctiones Monasterio Cluniacensi tam de Ecclesia S Saluij quam ad eandem Ecclesiam de altari S Gaugerij factas Ego Manasses non meis meritis sed superna dispensante gratia Remorum Archiepiscopus ratas in perpetuum custodiri volens laudavi atque auctoritatis nostre pagina approbavi et ne in posterum contradicentium cavillationibus dissolvatur anathematis sententia idoneis etiam testibus cum nostre imaginis impressione roboravi Signum Manasse Suessionensis Episcopi S Lamberti Atrebatensis Episcopi S Ioannis Morinensis Episcopi S Geruafij Archidiaconi S Rodulphi Prepositi Actum Remis anno Incarnatione Verbi MCIII Indictione XI regnante Francorum Reg Philippo anno XL Archiepiscopatus autem domni Manasse anno IX Fulchradus Cancellarius recognovit scripsit et subscripsit