Charter Document - 02183808
| Charter Number: | 02183808 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1101 |
| Date type: | Internal, A.D., Lunar |
| Resource Link(s): |
CCE: cartae cluniacenses electronicae |
Charter:
Ego Guastonus peccator Viarnensis vicecomes pro salute anime patris et matris mee et pro salute anime mee et uxoris et filiorum ac filiarum mearum et pro salute omnium parentum meorum preteritorum ac futurorum ingenuo villam Morlensem Deo et Sancto Petro Cluniacensi et Sancte Fidei hujus loci Ita duntaxat ut nullus homo audeat inde tollere neque vaccam neque porcum neque mutonem neque omnino ullam rem neque hospitari sed omnia sint salva ad salutem anime et corporis mee et uxoris mee et omnium parentum meorum et ut Deus omnipotens donet mihi in omnibus prosperitatem et liberet me de manibus inimicorum meorum quamdiu vixero et post meam mortem donet mihi perpetuam hereditatem secum in celo Si quis homo vel femina hanc ingenuitatem quam ego facio contradixerit vel calumpniatus fuerit de libro viventium deleatur et cum Dathan et Abiron in inferno perpetualiter crucietur Amen Amen Amen Fiat Fiat Fiat Facta est hec carta in Claustro Morlensi ab Incarnatione Christi anno MC primo Indictione viiii pacta xviii concurrentes i Ciclo xvi Dominica die idus Februarii jubente domno Gastone vicecomite adstantibus ibi Willelmo monacho et Garsia abbate de Serra et militibus Arnaldo de Andongs et Dodone de Dangino et Oddone et Avarchet de Aspa et Willelmo Raimundo de Trecents et nonnullis aliis