Charter Document - 02183795
| Charter Number: | 02183795 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1100 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Auctor et largitor totius boni Dominus noster Jesus Christus per assumptam carnem nostre humanitatis protestare dignatus est dicens Facite vobis amicos de Mamona iniquitatis qui vos recipiant in tabernacula eterne felicitatis Quod ego Hugo Beraldus de Calon et uxor mea audiens donamus Deo et sanctis ejus apostolis Petro et Paulo et ad locum Cluniacum ubi preesse videtur domnus Hugo abbas et monachis ibidem habitantibus presentibus et futuris aliquid de hereditate nostra pro remedio animarum nostrarum et in locum sepulture id est octavam partem de ecclesia Sancte Marie de Nogirols hoc est in decimis et sepultura et in primitiis et de omnibus que pertinent ad ecclesiam octavam partem et unum mansum quem habemus in villa Rengosa et omnia que ad ipsum mansum pertinent et in ipsa villa habebamus servos et ancillas prata campos silvas cultum et incultum pro qua causa accepimus quinquaginta solidos de Calon a domno Gaufredo decano de Besorniaco S Gaufredi filii Hugonis qui hanc cartam firmavit similiter omnes fratres sui et sorores firmaverunt Si quis autem huic donationi calumpniari presumpserit abhinc et deinceps iram Dei sanctorumque apostolorum incurrat S Willelmi de Saldo S Ansedei de Oblat S Jotseranni fratris sui S Milonis filii sui S Hugonis de Biera