Charter Document - 02183741

Paschalis Episcopus servus servorum Dei venerabili fratri Hugoni Cluniacensi Abbati ejusque successoribus regulariter substituendis in perpetuum Ea Religionis prerogativa qua per universum fere occidentem nostris temporibus per Dei gratiam Congregatio vestra precellit et inconcussa charitatis unitas qua inter procellas omnes sedi Apostolice adhesistis mansuetudinem nostram vehementius exhortantur immo urgent atque compellunt ut vestris petitionibus assensum accommodare et quieti vestre in posterum providere sollicitius debeamus Ea propter quidquid libertatis quidquid tuitionis quidquid authoritatis predecessores nostri Ecclesie Romane Pontifices presertim Apostolice memorie Gregorius septimus et Urbanus secundus vestro Monasterio et locis ad id pertinentibus contulerunt nos quoque presenti decreto auctore Domino confirmamus Ad hec adjicimus ut in omnibus prioratibus et cellis que nunc sine proprio Abbate vestro regimini subjecte sunt nullus unquam futuris temporibus Abbatem ordinare presumat Sed tam prioratus ipsi et celle quam et cetera in quibuslibet locis omnia quibus fraternitas tua Arvernensis Concilii quod per supradictum Urbanum Papam celebratum est tempore investita erat de quibus tunc nulla questio mota est cui nimirum Concilio per temetipsum interfueras tam tibi quam successoribus tuis in pace semper et quiete serventur In quibus hec propriis visa sunt annotanda nominibus Sancta Maria de Charitate De Marciniaco S Petrus de Cunsiaco S Petrus de Leuntiis S Petrus de Pergamo S Isidorus de Hispania S Ovilus de Scarrione S Marcellus de Salciniaco S Marcellus de Cabilone Caruslocus Paredus Romanum Monasterium S Victor de Gebenna Paterniacus S Saturninus de Provincia S Eutropius S Martinus de Auxia Monasterium de Cacerris S Maria de Tobosa Boorum Tyernus S Martinus de Campis Silviniacus Salsinangie Nongentum Crispeiacus Virgeius Ginniacus Namtoacus S Pancratius de Anglia S Lecerius de Bigorro S Orvenitius Auxiensis S Maria de Nazara S Jacobus de Pontivo S Gabriel de Cremona S Salvator et S Stephanus de Niverno Precipimus etiam ut omnes Ecclesie seu Capelle vestre et Cimiteria libera sint et omnis exactionis immunia preter consuetam Espiscopi paratam et justitiam in Presbyteros si adversus ordinis sui dignitatem offenderint Exceptis nimirum Ecclesiis illis que absque hujuscemodi subjectione in Abbatis potestate subsistunt Liceat quoque vobis seu fratribus vestris in Ecclesiis vestris Presbyteros eligere ita tamen ut ab Episcopis vel Episcoporum Vicariis animarum curam absque venalitate suscipiant quam si committere illi [quod absit] ex pravitate noluerint tunc presbyteri ex Apostolice sedis benignitate officia celebrandi licentiam consequantur Ecclesiarum vero seu altarium consecrationes ab Espicopis in quorum Diecesibus sunt locorum vestrorum fratres accipiant Siquidem gratis ac sine pravitate voluerint exhibere Alioquin a Catholico quem malueritis Espicopo consecrationum ipsarum Sacramenta suscipiant Neque cuilibet facultas sit aut claustri vestri aut vestrorum locorum fratres pro vivorum sive defunctorum eleemosynis ob salutem datis inquietare sed tam virorum quam mulierum oblationes que ad eos afferuntur in usum servorum Dei pauperumque profuturas recipere liceat Abbatias vero quas tu[] tuorumque successorum ordinationi pr[]decessor noster Gregorius VII Papa commisit nos quoque committimus videlicet Virzelai S Egidii S Joannis de Angeliaco Sancti Petri de Moisiaco Malliacensem S Martialis de Lemovico novum Monasterium S Cypriani Pictaviensis de Fiaco Adjicientes ut etiam S Germani Antissiodorensis S Austremonii Mauziacensis S Bertini Tarvannensis eidem ordinationi subjaceant salvo nimirum jure sancte Romane Ecclesie Nec minus illud supradicti Urbani II Pape Capitulum confirmamus nec cellarum vestrarum ubilibet positarum fratres pro qualibet interdictione vel excommunicatione divinorum officiorum suspensionem patiantur sed tam Monachi ipsi quam et famuli eorum et qui se Monastice professioni devoverunt clausis Ecclesiarum januis non admissis Diecesanis divine servitutis officia celebrent et sepulture debita peragant Concedimus etiam vobis Laicos seu Clericos seculares nisi qui pro certis criminibus excommunicati sunt ad conversionem seu sepulturam per loca vestra suscipere Clericos quoque regulares qui vel in locis suis salvari non possunt vel pro necessitatibus ad vestrum Cenobium confugiunt suscipiendi et ad vestrum propositum admittendi Religioni vestre licentiam impertimur Preterea decernimus ut nulli omnino hominum liceat vestrum venerabile cenobium et loca ei subdita temere perturbare sed eorum Ecclesie possessiones et bona ceteraque que pro animarum salute jam donata sunt vel in futurum Deo miserante donari contigerit firma vobis vestrisque successoribus et illibata permaneant quos profecto cognoscimus ab excommunicatis pia discretione vigilantius abstinere Si qua igitur Ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem Cenobio justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Amen Amen Ego Paschalis Catholice Ecclesie Episcopus Ego Oddo Hostiensis Episcopus Ego Milo Prenestinus Episcopus Ego Albericus Dei gratia Cardinalis sancti Petri ad vincula Ego Galterus Episcopus Albanensis Ecclesie Ego Paganus Diaconus Romane sancte Ecclesie Cardinalis Datum Lateranis per manum Joannis sancte Romane Ecclesie Diaconi Cardinalis XVII Kalend Decembris indictione octava Incarnationis Dominice anno MC Pontificatus autem Domni Paschalis II Pape II