Charter Document - 02183739

Paschalis episcopus servus servorum Dei venerabili fratri Hugoni Cluniacensi abbati ejusque successoribus regulariter substituendis impostorum Zelus Domini et religionis prærogativa qua per universum fere Occidentem nostris temporibus per Dei gratiam congregatio vestra percalluit et inconcussa unitas qua inter procellas omnes sedi apostolice adhesistis mansuetudinem nostram vehementius exhortantur imo urgent atque compellunt ut vestris petitionibus assensum accommodare et quieti vestre impostorum providere sollicitius debeamus Quapropter quidquid libertatis quidquid auctoritatis prædecessores nostri Ecclesie Romane pontifices præsertim apostolice memorie Gregorii VII et Urbani II vestro monasterio et locis ad idem pertinentibus contulerunt nos quoque præsenti decreto auctore Domino confirmamus Ad hæc adjicimus ut in omnibus prioratibus et cellis que nunc sine proprio abbate vestro regimini subjecte sunt nullus unquam futuris temporibus abbatem ordinare præsumat sed tam prioratus ipsi et celle quam et cetera in quibus licet locis omnia quibus fraternitas tua Arvernensis concilii quod per supradictum Urbanum pontificem celebratum est tempore investita erat de quibus tunc nulla questio mota est cui nimirum concilio per temetipsum inter fueras tam tibi quam successoribus tuis in pace semper et quiete serventur in quibus hæc propriis visa sunt adnotanda nominibus S Maria de charitate de Martignaco S Petrus de Munsiaco S Petrus de Leniciis S Paulus de Pergamo S Isidorus de Hispania S Odylus de Scarrione S Marcellus de Salsimoniaco S Marcellus de Cabilone Carus locus Paredus Romanum monasterium S Victor de Gebenna Paterniacus S Saturninus de Provincia S Eutropius S Martinus de Auxia monasterium de Cacerris S Maria de Tolosa Boort Tiernus S Martinus de Campis Sylviniacus Virgenus Ginniacus Nantuacus S Pancratius de Anglica S Lecerius de Nazara S Jacobus de Potino S Gabriel de Cremona S Salvator et S Stephanus de Niverno Præcipimus etiam ut omnes ecclesie seu capelle vestre et cimiteria libera sint et omnis exactionis immunia præter consuetam episcopi paratam justitiam in presbyteros si adversus ordinis sui dignitatem ostenderint exceptis nimirum ecclesiis illis que absque hujusmodi subjectione in abbatis potestate subsistunt Liceat quoque vobis cum juribus vestris presbyteros eligere ita tamen ut ab episcopis vel episcoporum vicariis animarum curam absque venalitate suscipiant quam si committere illi quod absit ex pravitate noluerint tunc presbyteri ex apostolice sedis benignitate officia celebrandi licentiam consequantur neque cuilibet facultas sit aut claustri unquam aut locorum vestrorum fines pro vivorum sive defunctorum eleemosynis ob salutem datis inquietare sed tam virorum quam mulierum oblationes que Deo offeruntur in usum servorum Dei pauperumque Christi percipere liceat Abbatias vero quas tue tuorumque successorum ordinationi prædecessor noster Gregorius VII PP commisit nos quoque committimus videlicet Virhelva S Egidii S Joannis de Angelico S Petri Moysiaco Moliacensem S Martialis de Lemovico novum monasterium Sancti Cypriani Pictaviensis de S Sacco adjicientes etiam S Germani Autissiodorensis S Astrimonii Mauricensis S Bertini Tarvaniensis eidem ordinationi subjaceant salvo nimirum jure sancte Romane Ecclesie Nec minus illud supradictum Urbani II pape capitulum confirmamus ne cellarum vestrarum ubi libet positarum fratres pro qualibet interdictione vel excommunicatione divinorum officiorum suspensionem patiantur sed tam monachi quam et famuli eorum et qui se monastice professioni devoverunt clausis ecclesiarum januis non admissis dioecesanis divine servitutis officia celebrent et sepulture debita peragant Concedimus etiam vobis laicos seu clericos seculares nisi qui pro certis criminibus excommunicati sunt ad conversionem sive sepulturam per loca vestra suscipere Clericos quoque regulares qui pro necessitatibus ad vestrum cenobium effugiunt suscipiendi et ad vestrum propositum admittendi religioni vestre licentiam impertimus Præterea decernimus ut nulli omnino hominum liceat vestrum venerabile cenobium et loca subdita temere perturbare sed eorum ecclesie possessiones et bona cetera que pro animarum salute donata sunt vel in futurum Deo miserante donari contigerit firma vobis vestrisque successoribus et illibata permaneant quos profecto cognoscimus ab excommunicatis et rapacibus discretione debita contineri Si qua igitur ecclesiastica secularisve persona hanc nostre constitutionis paginam sciens contra eam temere venire tentaverit secundo et tertio commonita nisi satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena sit atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Ego Paschalis sancte Ecclesie catholice episcopus Ego Odo Ostiensis episcopus subscripsi Ego Milo Prenestinus episcopus Ego Albericus cardinalis S Petri ad Vincula Ego Walterius episcopus Albanensis Ecclesie subscripsi Ego Teuto cardinalis SS Joannis et Pauli Ego Joannes Tusculanus episcopus Ego Paganus sancte Romane Ecclesie cardinalis subscripsi Datum Anagnie per manum Joannis sancte Romane Ecclesie diaconi cardinalis XVII Kalend Decembris indictione VIII Incarnationis Dominice anno MC pontificatus autem domni Paschalis PP II XXXII Paschalis epistola ad Galliarum episcopos Cenobium Cluniacense commendat