Charter Document - 02183738

Paschalis Episcopus servus servorum Dei filiis in Domino carissimis Silviniacensis Cenobii Monachis salutem et Apostolicam benedictionem Ad hoc nos disponente Domino in Apostolice Sedis servitium promotos agnoscimus ut ejus filiis auxilium implorantibus efficaciter subvenire et ei obedientes tueri ac protegere prout Dominus dederit debeamus Idcirco vos et locum vestrum tanquam Clun Cenobii membrum sub Apostolice sedis protectione perpetuo confovendum juxta Domni Predecessoris nostri Urbani secundi statuta suscipimus Sancientes ne ullo umquam tempore idem Cenobii vestri locus interdictionis alicujus jacturam sentiat nec ulli viventium facultas sit infra Monasterii seu ville adjacentis terminos olim prefinitos assultum facere aut quemlibet hominem capere vel depredari Illam etiam pactionem quam in ejusdem predecessoris nostri manu Archimbaldus miles sicut in ejus privilegio continetur pepigit ratam perpetuo haberi censemus ut videlicet universa que pater aut avi ejus loco vestro contulerant tam in rebus quam in immunitatibus et consuetudinibus omni tempore illibata conservarentur Ad hec adjicientes decernimus ejusdem loci sepulturam liberam omnino persistere ut eorum qui illic sepeliri deliberaverint preter excommunicatos extreme nullus obviet voluntati Preterea per presentis Decreti paginam Apostolica auctoritate statuimus ut quecumque hodie vestrum Cenobium possidet sive in crastinum vel concessione Pontificum vel liberalitate Principum vel oblatione fidelium poterit adipisci firma vobis vestrisque successoribus et illibata permaneant in quibus hec propriis duximus nominibus exprimenda Monasterium de Campovold Capellam de Curtiliis Capellam de Lonver Capellam de Villar Ecclesiam de Cantaneto Ecclesiam de Cyriliaco Has itaque ceterasque Ecclesias quas Apostolice Sedis privilegio possidetis taliter concedimus ut salvo jure Episcoporum quod in paratis et synodis ibidem hactenus retinuisse noscuntur quicquid deinceps in eis intus forisque tam ex oblationibus quam ex sepulturis vel etiam ex decimationibus tam majoribus quam minoribus adquirere potueritis ex integro possideatis nullaque umquam persona vel Ecclesiastica vel secularis de omnibus ad eas pertinentibus se super vos intromittere audeat Liceat quoque vobis in Ecclesiis vestris Presbyteros eligere ita tamen ut ab Episcopis vel Episcoporum Vicariis animarum curam absque venalitate suscipiant quam si dare illi quod absit ex pravitate noluerint tunc Presbyteri ex Apostolic sedis benignitate cantandi illic licentiam consequatur Neque cuilibet facultas sit pro vivorum sive defunctorum eleemosynis ad salutem datis vos inquietare sed tam virorum quam mulierum tam Clericorum quam Laicorum oblationes que ad vos afferuntur in usum servorum Dei pauperumque profuturas recipere liceat Decernimus ergo ut nulli omnino hominum liceat idem Cenobium temere perturbare vel ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione ac gubernatione concessa sunt usibus omnimodis profutura Salva in omnibus Abbatum Cluniacensium obedientia Si qua sane in crastinum Ecclesiastica secularisque persona hujus privilegii paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino existere de perpetrata iniquitate cognoscat et a sacratissimo corpore ac sanguine Dei et Domini nostri Jesu Christi aliena fiat atque in extremo examine districte ultioni subjaceat Cunctis autem supra fato loco justa servantibus sit pax Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Amen Amen Amen Ego Paschalis sancte Catholice Ecclesie Episcopus Ego Odilo Prenestinus Episcopus Ego Joannes Tusculan Episcopus Ego Teuzo Cardinalis sanctorum Joannis et Pauli Ego Albericus Dei gratia Cardinalis Tituli S Petri ad vincula Ego Paganus Diaconus S Rom Ecclesie de Diaconia S Marie nove Datum Anagnie per manum Joannis S R Ecclesie Diaconi Cardinalis XVIII Kalendas Decembris Indict VIII Incarnationis Dominice anno MC Pontificatus autem Domini Paschalis secundi Pape II