Charter Document - 02183707

Urbanus Episcopus servus servorum Dei venerabili fratri Hugoni Clun Abbati salutem et Apostolicam benedictionem Apostolice Sedis sollicitudo nos ammonet Religiosorum locorum quieti attentius providere Idcirco tuas carissime Frater per communem filium Widonem sancti Orientii Priorem et fratrum ipsius preces nequaquam contemnendas duximus tum justitie universalis intuitu tum speciali illa dilectione quam tibi sub cujus cura et tui Monasterii jure consistunt omnibusque tuis fratribus pro ampliori Religione debemus Sancti igitur Orientii Monasterium in Ausciensi suburbio situm cui ex Reverentie experientie tue precepto ac dispositione presidet cum universis ad id pertinentibus per Decreti presentis paginam vestro Cluniacensi Cenobio confirmantes Apostolice Sedis auctoritate munimus Illud precipue singulariter statuentes ut antiqua ipsius Cimiterii constitutio nulla emulorum quorumlibet infestatione turbetur sed sicut sanctissimi predecessoris nostri Leonis Pape noni auctoritate sanctitum est quiete in perpetuum perseveret Proinde nec extra urbem nec intra Ausciensi Archiepiscopo vel ejus Canonicis liceat novum Cimiterium instituere sed tam Archiepiscopi quam Regulares aut irregulares Clerici sive Laici de quibus consuetudo hactenus fuit sepulture locum apud eos futuris temporibus sortiantur nec Ecclesie terminos alia transeat aut transmittat Ecclesia Quod ut ratum semper integrumque debita quiete permaneat Patris ac Filii et sancti Spiritus auctoritate firmamus Si quis ergo deinceps agere et huic diffinitioni pertinaciter contraire presumpserit divine indignationis et Apostolice districtionis ultione plectatur Cunctis autem eidem loco justa servantibus fit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Datum apud Moysiacum per manus Joannis S R E Diaconi Cardinalis III Idus Maii Indictione IV Dominice Incarnationis anno MXCVII Pontificatus autem Domni Urbani secundi Pape IX