Charter Document - 02183699
| Charter Number: | 02183699 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1095 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Hugo Dei gratia Silvanectensis episcopus domino et karissimo sibi Hugoni Cluniacensis monasterii abbati salutem et servitium Notum fieri volumus vestre benignissime et nobis dilectissime sanctitati libenti animo assensum prebuisse petitioni domni Hugonis comitis de Crispeio super abatia Sancti Arnulfi favente conventu canonicorum sancte sedis Silvanectensis Concedimus itaque ut monasterium Sancti Arnulfi de Crispeio sub vestre sanctissime dominationis vestreque religiosissime sanctitatis omnibus modis subdatur imperio Et quia exoptamus nobis affinitatem vestre bonitatis in dictione vestra situm sit ponendi et auferendi cujuscunque persone volueritis et hoc quandiu vita ista fruemini Concedimus preterea gratia vestri ut post discessum vestrum successor vester abbas videlicet Cluniacensis habeat potestatem ponendi abbatem in supradicta ecclesia secundum electionem Cluniacensis capituli ita tamen ut Silvanectensis ecclesia et ejusdem episcopus ea que secundum Deum et secundum auctoritatem sanctorum patrum optinere debent non amittant verum ea secundum quod canonicus ordo postulaverit obtineant Ne quid autem grave videatur vestre benignissime paternitati in hujusce modi constitutione mandamus quia dum presentialiter insimul locuti fuerimus Deo volente secundum discretionis vestre consilium quod emendandum fuerit emendabimus Vos autem in presenti ecclesie consulite