Charter Document - 02183697
| Charter Number: | 02183697 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1095 |
| Date type: | Assigned |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Notum sit cunctis sancte Dei ecclesie fidelibus tam futuris quam presentibus quod ego Durannus Arvernensis ecclesie episcopus cum consensu canonicorum meorum abbatiam Mauziacensem concedo Domino Deo et sanctis apostolis ejus Petro et Paulo et Cluniacensi cenobio cui domnus Hugo abbas preest per manus domni Rotberti ejusdem provincie comitis ad quem prefata abbatia temporaliter respicere videtur ut deinceps in potestate et ordinatione domni Hugonis Cluniacensis cenobii abbatis omniumque successorum ejus isdem locus perpetualiter maneat ita tamen ut abbas ejusdem loci et fratres ibidem constituti huic sancte matri ecclesie debitam exhibeant reverentiam Hanc concessionem facimus ego et nostre ecclesie canonici pro remedio animarum nostrarum omniumque antecessorum seu successorum nostrorum hujus sancte matris ecclesie episcoporum seu canonicorum necnon pro remedio anime Rotberti prefati comitis omniumque parentum ejus pro animabus quoque cunctorum fidelium defunctorum et ut nos atque successores nostri Dei gratia mereamur fieri participes et confratres omnium bonorum que fient in ipsa Cluniacensi congregatione ipsi quoque cunctorum hujus nostre ecclesie bonorum consortes existant S Duranti Arvernensis episcopi S Rotberti decani Portuensis S Bertrant archipresbiteri S Girbert de Pongibalt S Girini S Petri S Giraldi S Bernardi cabiscoli S Stephani de Nesgeris S A[n]selme Segresta S Petri Sirvent S Stephani Casla S Stephani nepos Casle S Duranti Raimont