Charter Document - 02183696

Urbanus episcopus servus servorum Dei dilectis filiis Celsiniacensis cenobii monachis salutem et apostolicam benedictionem Ad hoc nos disponente Domino in apostolice sedis servitium promotos agnoscimus ut ejus filiis auxilium implorantibus efficaciter subvenire et ei obedientes tueri ac protegere prout Dominus dederit debeamus Unde oportet et nos venerabilibus locis manum protectionis extendere et servorum Dei quieti attentius providere Igitur tam pro vestra speciali religione quam pro venerabilis fratris nostri Hugonis Cluniacensis abbatis dilectione ad cujus curam ex Cluniacensis cenobii jure locus vester pertinet vestris filii in Christo charissimi precibus annuentes monasterium vestrum presentis decreti auctoritate munimus Statuimus enim ut quecunque hodie vestrum cenobium juste possidet sive in futurum concessione pontificum liberalitate principum vel oblatione fidelium juste atque canonice poterit adipisci firma vobis vestrisque successoribus semper et illibata permaneant in quibus hec propriis nominibus duximus exprimenda in ipso videlicet burgo qui monasterio adjacet Sancte Marie et Sancti Martini in pago Ucionensi ecclesiam Sancti Remigii de Carniaco Sancti Jacobi de Varennis Sancti Quintini Sancti Stephani Sancti Juliani de Paleariis Sancte Marie de Masliaco Sancti Germani Brennacum ecclesiam novam in Luridensi pago cenobium Calcidi montis Sancte Marie de Beverias ecclesiam de Monterevello de Viverolo de Bafia de Grandirivo de Zalmantanias de Ambert de Marcac de Teulerias ecclesiam Sancte Marie de Monte Sancti Ferreoli Sancti Eligii in Privatensi pago ecclesiam Sancte Florine Sancti Gervasii ecclesiam de Abulnac de Burnunculo de Leuton de Lendan de Clais de Vescon de Girmac in pago Talendensi ecclesiam Sancti Hilarii Sancti Martialis eccelesiam de Chidrac de monte Acuto de Plauzac de Ozac de Soletis capellam de Monte in pago Todornensi ecclesiam Sancti Lupi Sancti Juliani et Sancte Marie apud Cauriacum ecclesiam de Matesc cum ecclesiis ad ipsum locum pertinentibus in pago Taluensi ecclesiam Sanctorum Martyrum Cyrici et Julite Sancti Pardulfi Sancti Donati Sancti Victoris ecclesiam de Cingulis cum universis possessionibus et appendiciis eorum Preterea decernimus ut nulli omnino liceat eamdem ecclesiam temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura salva tamen in omnibus debita abbatum Cluniacensium reverentia Nulli etiam facultas sit adjacentem monasterio burgum invadere depredari vel noxias aliquas consuetudines exactionis imponere Porro sepulturam ejusdem loci omnino liberam esse decernimus ut eorum qui illic sepeliri deliberaverint devotioni et extreme voluntati nisi forte excommunicati sint nullus obsistat Et quia largiente Domino monasterii vestri ecclesia nostris manibus est consecrata hoc quoque presenti capitulo subjungimus ut pro beati Petri et nostre consecrationis reverentia nullus deinceps audeat in idem monasterium excommunicationis aut interdictionis proferre sententiam quatenus ab omni servitii singularis infestatione securi omnique gravamine mundane oppressionis remoti in sancte religionis observatione seduli atque quieti omnipotenti Domino placere totius mentis et anime virtutibus anheletis Si qua sane ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen amen amen Datum apud oppidum Sancti Flori per manum Joannis sancte Romane Ecclesie diaconi cardinalis indictione III VII Idus Decembris anno Dominice Incarnationis MXCV pontificatus autem domini Urbani II pape VIII Urbani II pape epistola ad canonicos Engolismenses qua prepositure de Juliaco attributionem ipsis ab Ademaro factam confirmat