Charter Document - 02183694

Urbanus Episcopus servus servorum Dei venerabili fratri Hugoni Cluniacensi Abbati et fratribus sub ejus regimine constitutis salutem et Apostolicam Benedictionem Sedis Apostolice benignitas omni semper tempore consuevit Dei servos tanquam Mater filios confovere et in perturbatione positis consolationis manum clementer alacriterque porrigere Quia igitur per omnipotentis Dei gratiam jam diu longe lateque Religione præcipua floruistis et bone opinionis odore plurimos as persistis dignum nobis est quieti vestre impostorum providere et contra æmulorum insectationes Monasterio vestro tam capiti quam membris Clypeum Apostolice protectionis opponere Præsentis itaque Decreti auctoritate sancimus ut nulli deinceps Episcoporum facultas sit pro Altaribus et Ecclesiis sive Decimis quas ante interdicta nostra vel Pape Gregorii vobis cognita possedistis seu post Episcoporum concessione adquisistis gravamen aliquod aut molestiam irrogare sed sicut eorum permissione quædam ex parte quædam ex integro habuistis ita et in futurum perenniter habeatis Ipsarum quoque quas nunc habetis Ecclesiarum decimas que a Laicis obtinentur si secundum Deum eorum potestati subtrahere vestre Religionis reverentia potuerit ad vestram et pauperum gubernationem vobis liceat possidere Hec omnia ut omnino firma et immobili stabilitate persistant omnipotentis Patris et Filii et Spiritus sancti potestate et Apostolica auctoritate confirmamus Si quis vero Decreti hujus tenore agnito pertinaciter ei obviare præsumpserit ejusdem Patris et Filii Apostolorumque ejus indignationem inveniat et sancti spiritus gladio feriatur Cunctis autem vos ac vestra foventibus misericordia pax et gratia ab auctore omnium in perpetua secula conferatur Datum apud Privatam oppidum per manum Joannis sancte Romane Ecclesie Diaconi Cardinalis nonis Decembris Indict III Anno Dominice Incarnationis MXCVI Pontificatus vero Domni Urbani II Pape VIII