Charter Document - 02183691

Urbanus Episcopus servus servorum Dei filiis in Domino charissimis Silviniacensis Cenobii Monachis salutem et Apostolicam benedictionem Quoniam superne dispositionis dignatione multimoda actum est ut nos ipsi Monasterium vestrum visitare et beati Majoli corpus intra Ecclesiam ad locum alium transferre meruerimus dignum cum pro Cluniensis Cenobii cui tanquam membra capiti singulariter inheretis dilectione precipua tum pro vestre Religionis reverentia vos et locum vestrum specialius Sedis Apostolice protectione munire Quapropter presente confratre nostro venerabili Durantio Arvernensi Episcopo constituimus ne pro communi Parochie excommunicatione vel interdictione ullo umquam tempore Cenobium vestrum interdictionis alicujus subjaceat sententie nec ulli viventium facultas sit infra Monasterium seu ville adjacentis ambitum aut assultum facere aut quemlibet hominem capere vel depredari Unde etiam egregium militem Archimbaldum sub manus proprie stipulatione in manum nostram polliceri supra Parentis proprii tumulum fecimus ut universa que Pater aut Avi ejus loco vestro contulerunt tam in rebus quam in immunitatibus et consuetudinibus omni vite sue tempore debeat illibata servare Ad hec adjicientes decernimus ejusdem loci sepulturam liberam omnino persistere ut eorum qui illic sepeliri deliberaverint preter excommunicatos extreme nullus obviet voluntati Preterea per presentis decreti paginam Apostolica auctoritate statuimus ut quecumque hodie vestrum Cenobium juste possidet sive in crastinum concessione Pontificum liberalitate Principum vel oblatione fidelium juste atque canonice poterit adipisci firma vobis vestrisque successoribus et illibata permaneant in quibus hec propriis duximus nominibus exprimenda In Episcopatu Bituricensi Monasterium sancti Mauritii Capellam de Burbono Ecclesia de Noyento de Castellione de Colundono de Mariniaco de Cressangiis de Curtiliis de Bessono de Bessiaco de Ingrandia de Francesciis de Vordero de Vannat de Buymolio de Avalone de Cappis de Silviniaco Comitali de Sadiriaco de Buscheria de Ferreria Capellam de Griejo Ecclesiam sancti Placidi sancti Marcelli Monasterium Columbariense Ecclesiam de Monic Capellam de Cella Ecclesia de Docequo de Comentrico de Vordero de Feblinea de Noro In Episcopatu Arvernensi Ecclesias de Breennaco sancti Maziriani sancti Martini Capellas duas de Scola de Sintraco de Genziaco de Paidaco de Ledaco de Streciaco Monasterium de Firmitate Ecclesiam de alta Ripa Capellas de Vernulio de Longa Petra de Trebenno Ecclesiam de Monasterio de Quintiniaco de Rungeria de Granicula Capellas desuper castellum de monte Acuto Ecclesias sancti Juliani de Vallibus de Olonzaco de Silviniaco Teudonis de Conis de Marciaco de Botiaco de Suspiriis de Briceolis de Cimiliaco Capellas de Fragia In Eduensi Episcopatu Capellam de Molinis Ecclesiam de Arvesimo In Episcopatu Nivernensi Capellam de firmitate Ecclesiam de Camtaneto Monasterium de monte Podio de Martio de Genestina de Valcolomano de nova Villa de Adiaco Capellam sancti Genesii In Episcopatu Lemovicensi Ecclesiam de Manciaco cum universis earum pertinentiis Decernimus itaque ut nulli omnino hominum liceat idem Cenobium temere perturbare vel ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione ac gubernatione concessa sunt usibus omnimodis profutura Si qua sane in crastinum Ecclesiastica secularisve persona hujus privilegii paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore ac Sanguine Dei et Domini nostri Jesu Christi aliena fiat atque in extremo examine districte ultioni subjaceat Cunctis autem supra fato loco justa servantibus sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Datum apud Monticulum per manum Joannis S R Ecclesie Diaconi Cardinalis Idibus Novembris indictione tertia anno Dominice Incarnationis MXCVII Pontificatus autem Domni Urbani secundi Pape octavi