Charter Document - 02183683
| Charter Number: | 02183683 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1094 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine summi Dei ego Guido miles cognomento Rufus de Burgundionis villa cognoscens me multum male vitam duxisse meam per abrupta vitiorum a principio penitentia ductus dono Domino Deo omnipotenti satisfaciendo et sanctis apostolis ejus Petro et Paulo sancteque congregationi Cluniensis cenobii in honore eorumdem apostolorum dicati medietatem ecclesie que sita est in villa que dicitur Altaris consecratam in honore beati apostolorum principis Petri in pago Linguonico cum uno molendino piscariis silvis terris quoque cultis et incultis insuper et medietatem potestatis quam habui in ipsa ecclesia cum medietate nichilominus decime consensu simul ac dono domni Rotberti Lingonice urbis episcopi qui hanc donationem sua auctoritate firmavit ac roboravit Hoc autem facio pro salute anime mee ac genitoris mei Widonis quondam Cluniacensis monachi ac omnium antecessorum meorum et ut omnipotens Deus absolvere me dignetur a vinculis omnium peccatorum Testes autem hujus rei fuerunt Walterius monacus et Frotmundus miles nepotes mei Si quis vero hoc donum calumpniatus fuerit anathema sit Facta est hec carta temporibus domni Hugonis abbatis anno Verbi incarnati millesimo XCIII regnante Philippo Francorum rege