Charter Document - 02183682
| Charter Number: | 02183682 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1094 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Ego Wido qui vocor Burgundus reminiscens enormitatem meorum peccatorum et innumerabilium scelerum relinquo mundum cum suis actibus et Sancti Benedicti regule gaudens subpono deinceps collum meum et apud Cluniacum constituo me vivere et famulari Deo ibique trado sanctis apostolis Petro et Paulo videlicet loco supranominato ubi videtur domnus abba Hugo magis prodesse quam preesse unum mansum in villa que vocatur ad Altare ita solitum per singulos annos et constitutum ut supradicto loco [Cluniaco] solvat vel ubi domnus abba jusserit IIII porcos et IIII arietes et IIII solidos et unum sextarium de vino et II frustra carnis et II panes in Natale Domini et quotiens dominus hujus mansi venerit servitium Hunc mansum trado Sancto Petro ita consuetum cum villano et uxore et progenie eorum morantibus in eo Hoc donum laudaverunt comes Wilelmus et archiepiscopus Hugo Besontiensis et Wido et Pontius filii mei et domnus Girardus de Fontevene et Joscerannus et Aymo participes nostri fundi Si quis autem huic dono contrarius existere voluerit iram omnipotentis Dei et sanctorum apostolorum super se provocet nisi ad satisfactionem venerit S Widonis qui hoc donum fecit et firmare jussit S archiepiscopi Hugonis Besontiensis S Widonis et Pontii filii mei S Josceranni S Aymonis