Charter Document - 02183681

In nomine sancte et individue Trinitatis Patris et Filii et Spiritus Sancti Notum sit omnibus in gremio sancte matris ecclesie pie viventibus tam futuris quam presentibus quod nos Warinus et Eldinus germani fratres seculum in interitum vergere multorum perditione perpendentes nosque a vorigine vitiorum in qua alios mergi conspicimus eripere cupientes inutili nobis militie seculari renuntiamus et Cluniaci mutatione habitus sub regimine venerandi patris domni Hugonis abbatis jugum Domini suave et onus ejus leve ferre concupivimus Et ne solo corpore videamur renuntiasse corde autem ei fidem servare abjecimus que animos nostros possent illicere Et ego quidem Warinus optinui uxorem meam quondam nunc in sororem versam Marciniaco recepi In commune autem queque habuimus monasterio in quo degere elegimus contulimus ut qui conversionem nostre primordia sustinerent aliquid emolumenti ex nobis caperent temporalis Dedimus ergo Domino Deo et beatis apostolis ejus Petro et Paulo atque prefato monasterio domum nostram in Tierno et omnem alodum nostrum in eodem loco et quicquid ad Salviniach habuimus quicquid etiam ad Buscherules et Gelsan atque Casselas possedimus Hec omnia de nostro proprio patrimonio et allodio nobiscum obtulimus Deo pro animarum nostrarum ac omnium parentum nostrorum tam vivorum quam defunctorum de quibus ea possedimus remedio utiliores nobis et illis censentes fratres et filios specialiter adoptatos quam perverse viventes et carnaliter propagatos Addidimus huic dono quicquid de quoquam habuimus in feudo ut sicut omnia nostra servierant seculo ita deinceps universa servire incipiant Deo partem videlicet decime de Virzach quam habebamus feudum etiam quem habuimus de Bertranno vicecomite de Mirmunt ipso laudante et donum confirmante vineas de Muntpancir et de Campo Acerim et de Bunpassar XIII quoque solidos annuos ad Uziach et quicquid habebamus in manso de Saliniach similiter et in manso de Uschel terram quoque de Chermes et quicquid habuimus ad Sumeltre et quicquid in ecclesia de Cuziniach et in terra ad ipsam ecclesiam pertinente et quod habebamus in bosco de Rodo quodque in bosco de Vospede Si quis autem de his aliquid ex nobis in beneficio habebat si illud habere delectat de monachis Cluniensibus requirat et habeat De his terris solvantur XX sextarii fabarum omnibus annis propter quod inibi uxor mea habitum sancte susceperit conversationis Quod si quis adversus hec calumpniator vel contradictor extiterit obtinere non valeat quod requirit sed omnibus maledictionibus novi ac veteris Testamenti confossus regno Dei careat nisi digne penitendo et que abstulerat restituendo resipiscat Facta est donatio hec anno ab incarnatione Domini MXCIII indictione II regnante in Francia Philippo rege