Charter Document - 02183678
| Charter Number: | 02183678 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1094 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Precedentium institutio et ordo ecclesiastice consuetudinis deposcit ut dum quilibet devotus ex facultatibus propriis sancte ecclesie filiis pro redemptione anime sue aliquit dare decernit cartam simul juris testamentarii [facere] studeat ne forte aliquis vel consanguinitatis objectione vel etiam cupiditatis illectione sive alicujus rei occasione nevum calumpnie audeat inferre Unde ego Frotgerius miles de castello quod vulgariter appellatur Murassalt dono omnipotenti Deo et sanctis apostolis ejus Petro et Paulo et Cluniacensi ecclesie in honore ipsorum apostolorum dicate ecclesiam Sancti Nicholai presulis Christi que sita est in supradicto castro quam ex beneficio domni Oddonis ducis Burgundie dudum possederam ita scilicet ut eandem ecclesiam jam dicti cenobii fratres ex integro habeant teneant atque possideant cum omnibus rebus ad se pertinentibus terris videlicet cultis sive incultis silvis pascuariis decimis pratis molendinis quicquit illud est sine omni calumpnia Hoc sane donum cum assensu predicti ducis ac domni Agani Eduensis episcopi in cujus diocesi eadem ecclesia sita est feci annuente etiam conjuge mea ac filiis meis Hoc igitur donum eo tenore feci ut quando mihi Deus concesserit habitum sancte religionis in supradicto cenobio suscipiam quatinus veniam delictorum a Domino quandoque adipisci valeam S domni Odonis ducis S domni Agani episcopi S conjugis mee ac filiorum meorum cunctorumque amicorum meorum Si quis vero hoc testamentum ausus fuerit falsare seu violare sit anathema maranatam Anno Verbi incarnati millesimo XCIII facta est hec carta regnante Philippo Francorum rege