Charter Document - 02183676
| Charter Number: | 02183676 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1094 |
| Date type: | Internal, A.D. |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Quamdiu in hujus vite vivitur peregrinatione studendum est unicuique fidelium et maxime in seculari conversatione degentibus ut de rebus transitoriis a Domino sibi collatis peccata sua redimere studeant juxta illut prophete Danihelis Babilonicum regem salubriter admonentis Placeat inquit tibi rex consilium meum et peccata tua helemosinis redime quo scilicet dum bona temporalia indigentibus misericorditer impendunt felici commutatione a Christo eterna recipere mereantur Iccirco ego Guido miles de castello quod dicitur Aculeus cum Sigaldo nichilominus milite consobrino meo dono omnipotenti Deo et beatis apostolis ejus Petro et Paulo ac Cluniacensi cenobio cui domnus Hugo abbas preesse pariter ac prodesse videtur pro redemptione peccatorum meorum et spe vite eterne aliquit de rebus a Deo mihi collatis que mihi hereditario [jure] obvenerunt ecclesiam scilicet Sancti Salvatoris que sita est in episcopatu Augustidunensi in villa que vocatur Vineolas cum omnibus ad se pertinentibus toto videlicet cimiterio cum sepultura omnique terra ad se pertinente culta sive inculta pratis etiam et silvis seu molendinis Dono etiam partem meam de his que cum supradicto parente meo possidere videbar medietatem scilicet de pratis nostris propriis cum medietate tocius corvade Insuper concedo medietatem decime de pane et vino ad eandem ecclesiam pertinente In villa quoque que dicitur Chiviniacus et in alia villula que nuncupatur Valelias totam decimam vini et tres partes de decima frumenti Hec itaque omnia trado et concedo omnipotenti Deo et sancte congregationi supradicti monasterii pro absolutione meorum peccaminum et ut merear adipisci regna celorum Ceterum si quis hoc donum mente sacrilega ausus fuerit calumpniari iram Dei omnia inspicientis incurrat nisi celeriter resipiscat ac de iniqua temeritate digna satisfactione peniteat Facta est hec donatio sive carta anno ab incarnatione Domini millesimo XCIII regnante Philippo Francorum rege