Charter Document - 02183672

In nomine sancte et individue Trinitatis Notum sit sancte matris ecclesie filiis tam presentibus quam futuris quod ego Hugo de Luperciaco cum adhuc negotiis secularibus implicatus huic mundo militarem et honorem meum terrenum adversus insurgentes adversarios prout poteram defensarem divina gratia preventus cepi cogitare qualiter circa me ineffabilis Dei bonitas egisset de quam terribilibus periculis me indignissimum persepe liberasset unde et in corde meo queritabam quid ei retribuerem pro omnibus que michi bona pro malis retribuisset communicato denique cum uxore mea Adaleisa consilio decrevi ex ejus consensu et militum meorum letabundo assensu omnium terrarum et honorum quos ab ipso Deo vel sanctis ejus et non a mortalibus dominis tenebam post meum et ipsius mee conjugis et filie quam unicam habebamus decessum Deo et sanctis apostolis ejus Petro et Paulo et loco Cluniacensi devotam donationem facere et hec omnia ecclesie sanctorum martyrum Gervasii et Prothasii que juxta supradictum castrum ab antecessoribus meis fundata est in usus Cluniacensium monachorum ibidem Deo servientium delegare Quod sicut alacriter decretum ita est fideliter impletum uterque ego videlicet et uxor mea ad sacrosanctum altare accessimus et coram multis idoneis testibus hanc delegationem perfecimus Non multo post me indignum servum suum Dei promovente clementia ut crucem meam post ipsum bajularem memet ipsum abnegavi et a pio patre Hugone Cluniacensi abbate sancte religionis habitum suscepi Hoc itaque modo me a seculo decedente et predicta filia post paululum defuncta domina illa quondam in seculo uxor nunc in Christo soror mea me interveniente jam factam donationem in manu Yvonis prioris Cluniacensis penes supradictam sanctorum martirum ecclesiam iteravit et confirmavit et pro investitura totius donationis ad presens quicquid in burgo qui eidem ecclesie adjacet Luperciaco Veteri cognominato habebat videlicet servos et ancillas consuetudines justas vel injustas fratribus ipsius loci sine ullo retinaculo liberum perpetualiter possidere concessit exceptis his de quibus aliqui milites ante primam donationem casati fuerant a quibus tamen ea cum vellent vel in vita vel in morte ecclesie restitui consensit angustias quoque loci ipsius quibus incole nimium artabantur metis circumquaque remotius a vico dispositis ad habitacula sive alia commoda facienda dilatavit omnes etiam terras ipsius ecclesie ubicumque essent ab omni consuetudine si quam in eis juste vel injuste habuerat penitus absolvit habitatoribus ipsius loci usuaria tam in aquis quam in silvis benigne concessit castrum supradictum cum appenditiis suis quoadusque de seculo vel morte vel habitus mutatione recederet sibimet reservavit et ipsum sicut michi se jurasse coram multis asseruit nullo se impedimento perturbaturam magnopere promisit Ut autem hec rata et inconvulsa permaneant nomina testium qui interfuerunt subnotantur Signum Yvonis prioris Cluniacensis Sig Hugonis Luperciacensis qui hoc donum fecit S Heynrici olim Suessionensis episcopi tunc Cluniensis monachi S Lamberti capellani et Cristiani presbiteri S Gaufredi de Jaliaco S Abonis de Butode et Rotgerii de Marriaco S Rotberti de Limone et Hugonis Borni et Girberti de Luperciaco et Uberti de Marroclas et Walcherii militis et Hugonis de Senguer S Ebrardi de Sengue et Walterii de Seel et filii ejus Rainaldi et Richardi de Luciaco et Hugonis de Sancto Francherio et Frotmundi de Talaiaco S Hugonis de Bretoneria et Galterii de Sengue Acta sunt hec in Luperciaco Veteri anno ab incarnatione Domini MXCII indictione I epacta I Olimpiadis vero CCCCLXXIIII anno II regnante Phyllippo rege Franchorum anno XXXIIII