Charter Document - 02183546

Ego Centullus vicecomes Viarnensis memor omnium peccatorum meorum et consanguinitatis uxoris mee quam contra Dei legem duxeram uxorem sciensque post mortem meam nil me boni operaturum quo possim mea delere peccata adhuc vigens et vivens tribuo Deo et beato Petro Cluniacensi ecclesiam que edificatur in honore Sancte Fidis et si quas alias post illum apud Morlas edificandas cum omnibus oblationibus que offeruntur pro salute omnium fidelium vivorum vel defunctorum et cum primitiis vel decimis omnium agrorum quos homines in burgo degeneres colunt vel culturi erunt Dono etiam decimam monetam partis mee et decimam omnium furnorum qui sunt vel futuri erunt Dono etiam vineam meam propriam et decimam agrorum S Fidis et omnium propriarum rerum Ad ultimum dono iterum totam villam Morlensem com omni ingenuitate et cum omnibus rebus sibi pertinentibus cultis et incultis adquisitis vel adquirendis in campis in landis in silvis in vineis in nemoribus et in omnibus ceteris bonis Hec omnia dono Deo ac S Petro Cluniacensis propter me et propter uxorum meam Gislam et filium meum Guastonem ut in presenti seculo precibus B Petri apostolorum principis Deus nostri misereatur et in futuro eterna vita cum omnibus sanctis nobis a domino tribuatur Ceterum notum sit omnibus hominibus quod hoc donum feci cum consensu et consilio domni Willelmi Ausciorum archiepiscopi et Bernardi Lascurrensis episcopi et domni Amati Holornensis episcopi et Bernardi Tumapalerii avunculi mei et omnium principum sub meo dominio degentium in manu domni Hunaldi abbatis Moysiacensis sub potestate domni Hugonis abbatis Cluniacensis His vero rebus peractis misi domnam Gislam uxorem meam in manu domni Willelmi Ausciorum archiepiscopi et Amati Holornensis episcopi ad Cluniacense cenobium caussa sumendi religionis habitum