Charter Document - 02173636
| Charter Number: | 02173636 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1089 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Quoniam peccato primi hominis id promerente mortales hic diu permanere prohibentur cunctaque que sub sole fiunt morti pariter et oblivioni debentur constitutionum seu diffinitionum ad invicem suarum contenta non sunt studia mortalium nisi etiam ad transmittendum posteris scriptoris superaddant atramentarium Unde et ego Jocerannus miles de Jopera cognominatus una cum uxore mea Odila nosse volo omnes Adam Eveque filios presentes tam videlicet quam futuros quoniam ut pro terra morientium locum mereamur intrare viventium donamus Deo et sanctis ejus apostolis Petro et Paulo monachisque Cluniacensibus quibus venerabilis Hugo abbas preesse pariter et prodesse dinoscitur pro animabus nostris antecessorumque nostrorum villam quandam nostri juris Casellas dictam in territorio Matisconensi sitam ecclesiam scilicet et cimiterium vineas et prata spineta silvasque molendina aquasque aquarumque decursus ab ecclesia Aimuge usque ad condamineam Plantarum quam etiam condamineam vel per se vel per nos adipisci si possunt et nos eis concedimus et usque ad forestam de Breia et usque ad prata Tayse et usque ad silvam Khesse et omnino omnem terram cultam et incultam que infra hos terminos ad hunc mansum pertinere noscitur et si qua extra terminos juris ecclesie Sancte Marie de Casellis esse probatur eis donamus filiosque nostros Letbaldum et Athonem laudare hoc et concedere facimus servos quoque qui sunt hi molendinarius Wido cum filiis suis Umbertus forestarius cum uxore sua et filiis suis et filii Jotzaldi bubulci item alius Jotzaldus et filii ejus Umbertus filius Rotberti cum matre sua et filii Maimberti filii quoque Giraldi forestarii et filii Alerici Johannes forestarius et filiorum ejus medietas Vincentius molendinarius et filiorum ejus medietas Engilelmus et filiorum ejus medietas de quorum trium uxoribus nihil amplius nobis retinemus nisi quandiu vixerint VIII denarios de una quaque pro censo Maria quoque cum filiis suis Set et partem ville hujus quam eis monachis Amelia amita uxoris mee jam ante dedit filiisque suis Richardo et Gaufredo laudare fecit et nos laudamus Sane de ecclesie decima que in pignore a quodam milite habetur omnimodis promittimus et paciscimur ut ubi vel quandocumque militem talem habuerint ipsum ut pro ea reciprocationem id est excambiationem accipere velit V solidos debitales in terra in pago Matisconensi demus Hoc autem donum sicut descriptum est laudare feci et facio Unbertum de Borbo vidente Stephano de Casse nepote meo Testes autem et corroboratores donationis et carte sunt hi S ipsius Joceranni de Jopera uxorisque sue Odile filiorumque Letbaldi et Athonis qui hanc donationem fecerunt S Hugonis camerarii S Seguini item alterius Seguini de Beso[r]niaco S Wilelmi decani monachorum S militum quoque Bernardi de Catge Rotberti Dalmatii Agani Hugonis fratris Agani item alterius Hugonis de Osola S clericorum etiam Girberti archipresbiteri Hugonis de Vinali Acta autem sunt hec anno ab incarnatione Domini millesimo LXXXVIIII regnante Philippo rege Francorum