Charter Document - 02173608
| Charter Number: | 02173608 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1085 |
| Date type: | Internal, A.D., Episcopal, Regnal |
| Resource Link(s): |
CCE: cartae cluniacenses electronicae |
Charter:
Christiana caritas ac dilectio hoc sane perpenditur cum alter alterius vel locus vel persona beneficiis sustentatur neque enim labentis possessio felicitatis quantum ad meritum decrescendo minuitur cum una ecclesia de suis alteri ecclesie suppeditare contemplatur sic enim amplificantur merita cum sub specie vere caritatis extenduntur beneficia Quod mecum recompensans ego Hilgotus gratia Dei Suessionensis episcopus petitioni fratris Berengarii Consiacensis cenobii prioris devotus acquievi cujus petitionis forma talis subnectitur Erant enim in episcopatu meo quedam altaria a laica manu secundum abusum temporalem altaria videlicet de vico Duromannensi et altare de Curte Roberti illud etiam de Gentonillari et illud de villa que dicitur Sarmelia Que quidem facta visum est intentione ipse molitus in ecclesiasticos usus retorqueri a me expedit uti ea Consiacensi ecclesie cujus curam et prioratum ipse gerebat secundum subditam determinationem firmiter obtinenda permitterem In quo acto cleri mei consilio [] visum est ea ad ecclesiasticos usus retrahere quam secundum priorem consuetudinem sub laica ditione remanere Ordinavi igitur ipsa altaria in hujusmodi adstipulationem ut decanus sancte matris ecclesie Suessonice cui licet indignus presideo quicumque alius alii succedat ipsorum altarium persona semper existat et quotannis in solemnitate sancti Joannis de altari de Sarmelia ad usum canonicorum matris ecclesie quindecim solidorum censum suscipiat de reliquis vero tribus eadem die prenominata simili modo ad eosdem usus fratrum census quinquaginta solidorum receptor et communis distributor existat Usum fructum vero ipsorum altarium supradicto cenobio perpetuo obtinendum permisi salva tamen mea justitia et successorum meorum et ministrorum meorum ita sacerdotes qui sunt et qui erunt altarium vicarii in celebrandis synodis et calendis sicut antea et in solvendis redhibitionibus prelatis suis usquequaque obediant Ordinavi etiam ne propter personatum decani circa cum minuantur sed preter supradictum censum ex usu fructu altarium eodem in quo antea per solvantur Concessi quoque ut chartula illa a Theobaldo predecessore meo firmata de altari ville que dicitur Bainsona sicut fuit facta ita firma permaneat Hec quedam firmavi et corroboravi favente et confirmante Ingelranno archidiacono et Fulcone archidiacono et Valterio decano et Drogone decano Hec autem facta sunt anno Dominice Incarnationis MLXXXV indictione viii concurrentibus ii et epacta iii Philippo regnante xxv et Hilgoto episcopi ante anno primo Eorum vero qui hujus scripti corroboratione interfuerunt signa et nomina subscripta sunt Signum Ingelranni archidiaconi Signum Fulconis archidiaconi Signum Lisiardi prepositi Signum Rainaldi decani cancellarii Signum Hugonis archidiaconi Signum item Hugonis archidiaconi Signum precentoris Hugonis Signum Ade sacerdotis Signum Hugonis sacerdotis Signum Widonis levite Signum Roberti scholastici Signum Erbnoldi levite Signum Walnerii subdiaconi Signum Roberti subdiaconi Signum Ivonis subdiaconi Signum Raynodi acolythi Signum Giraldi acolythi Rainaldus cancellarius et Robertus scholasticus scripserunt et superscripserunt