Charter Document - 02173607
| Charter Number: | 02173607 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1085 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine Dei summi Notum sit omnibus postfuturis quod ego Hugo Letbaldus totum beneficium quod de abbate Cluniacensi in Bellomonte tenebam Sancto Petro in perpetuum dereliqui accepto pro eo precio septingentorum solidorum ab Artaldo decano Necnon et illud sit manifestum quod hereditatem meam in eadem provincia sitam tam in pratis et silvis quam in agris et vineis seu quibuslibet rebus totam misi in vadimonium Sancto Petro pro CCC solidis quos mihi supradictus Artaldus dedit eo pacto ut nunquam possem eos reddere nisi de meo proprio et si non reddidissem eos in vita mea tota illa hereditas post mortem meam pro salute anime mee et parentum meorum Sancto Petro in dominio remaneret Quod si quis successorum vel parentum meorum seu quilibet hominum hanc vendicionem seu donationem dissolvere vel minuere temptaverit sciat se ab introitu celorum Petro non aperiente repelli et cum diabolo infernalibus incendiis sotiari Facta et confirmata est hec convenientia apud Paredum in cimiterio in manu domni Hugonis abbatis anno ab incarnatione Domini millesimo octogesimo V regnante Philippo rege Francorum Testes exsistunt ex parte beati Petri domnus abba Hugo et qui cum eo erant Hugo prior de Paredo Artaldus decanus et Otto de Bellomonte famulus ejus et alii quam plures ex parte autem Hugonis Lebaldi ipsemet Hugo de Boscorotundo Ilius de Craia cui postea ipse omnia que fecerat narravit