Charter Document - 02173599

Charter Document - 02173599


Charter Number: 02173599
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Religious
Charter Type(s): Grant
Date: 1083
Date type: Internal, A.D., Calendar, Papal
Resource Link(s): CCE: cartae cluniacenses electronicae

Charter:

Clemens et largiflua Dei misericordia multis modis conpatitur humane fragilitati ut quia quis sine peccati contagio vivere nequit in promptu habeat medicinalem occursum videlicet ex propriis rebus elemosine subsidium Qua de causa ego Wido Dei gratia Genevensis episcopus considerans me per fragilitatem humane conditionis multis modis deliquisse et ob hoc pergens ad limina beatorum apostolorum Petri et Pauli ad locum Cluniacensem cui domnus Hugo abbas preest donavi in capitulo loci prefati laudantibus fratribus meis domno Wilelmo et domno Amedeo pro remedio animarum nostrarum et specialiter avi nostri bone memorie Aimeradi et patris nostri Ludovici atque Widonis Giserberti Ottonis Wilentii avunculorum nostrorum omniumque antecessorum seu successorum nostrorum Domino Deo et sanctis ejus apostolis Petro et Paulo atque prenominato abbati necnon sancto conventui ecclesiam Sancte Marie que sita est in villa que vocatur Contamina juxta ripam fluvii qui vocatur Arva cum omnibus ad se pertinentibus ecclesiis siquidem mancipiis utriusque sexus vineis campis pratis silvis aquis aquarumque decursibus molendinis exitibus et regressibus cultis et incultis cum omni integritate ut deinceps locus Cluniacensis habeat teneat ac possideat excepto beneficio Ludovici decani quod tamen in vita sua teneat et post ejus descessum in dominium jam dicte ecclesie deveniat S Widonis episcopi Genevensis qui hanc cartam fieri jussit atque firmavit Hujus rei testes Wilelmus et Amadeus ejusdem episcopi fratres Wido de Nangiaco et Amedeus Bernardus filius Bernardi de Toria et Albertus capellanus episcopi Facta est donatio hec kalendis februarii anno ab incarnatione Domini millesimo LXXXIII indictione VI epacta XXX concurrentes VI tenente episcopatum summe apostolice sedis Gregorio VII ordinationis vero sue anno X regnante eo qui semper est idem et cujus anni non deficient