Charter Document - 02173573
| Charter Number: | 02173573 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1080 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Scire debet fraternitas unanimitatis ecclesie quoniam unicuique fidelium est valde necessarium ut dona per divinam largitatem sibi concessa sollerter excolat sapienter ordinet recte etiam dividat ut cum evangelicus ille Paterfamilias rationem positurus advenerit non solum ea que largitus est auferat set etiam pro terrenis bene ministratis duplicata talenta simul et celestia bona restituat Tali vero ac tanta auctoritate premonitus ego in Dei nomine Gauscerannus cognomento Taunel dono Domino Deo et sanctis ejus apostolis Petro et Paulo et ad locum Cluniacum cui magis prodesse quam preesse videtur domnus Hugo abba aliquid de hereditate mea que mihi jure successionis advenit videlicet quandam terram quam habebam in Berziaco villa juxta terram Sancti Petri quam emerant ab Rotberto et Wigone fratribus Est autem terra supra nominata supra viam que venit de ecclesia Itaque dono eis nominatam terram sicut venit via que descendit ab ecclesia nominata ad sinistram partem hoc quod videor habere vel possidere pro remedio anime mee et parentum meorum ut Deus eas eripiat a penis inferni Hoc autem donum feci per laudamentum domni Sigaldi prioris a quo accepi nonaginta solidos pro ipsa terra quam dedi S Gausceranni qui hanc cartam fecit et firmare rogavit S Widonis nepotis sui S Ottonis sui senioris S Duranni S Nicetii